Maako 1:3 - Livulu lya Shukulu Kalunga

³ Co vanu va muyati wa Yunda vendekele kuli vanu va muyati wa Simyoni ngwavo, “Tuyeni amolika netu, mu lifuti lije livanatwana, tukalwise vaKanana. Asinoni tukaya amolika neni mu lifuti lije livanamyana.” Ngecivene, vanu va muyati wa Simyoni vaile navo.

Maako 1:3 Iomraidhean Croise

Kushangumuka 29:33

Co Leya wakele lalo na kafumba, wakitile mwana wa munalume mukwavo. Wendekele ngwendi, “Shukulu Kalunga nanjana lalo mwana wa munalume omwo nazivi ngeci munalume wange kanjizemene.” Ngecivene, wamulukile lizina lyendi Simyoni.

2 Samwele 10:11

Co Yowave wendekele kuli Avishai ngwendi, “Nga umona vaSilya valinakunjihyana, co ija wakunjikwase, oloni nga njimona vaAmoni valinakukuhyana, co njiija njakukukwase.

Yoshwa 19:1

Mutambela wamucivali vawanene ku vatekulwila va Simyoni. Mutambela wavo wakele mukati ka livu livaanene ku muyati wa Yunda.

Kujombolola 7:7

co mu naanga ya Simyoni vaje vavaakele cizivukiso vapwile 12,000, co mu naanga ya Levi vaje vavaakele cizivukiso vapwile 12,000, co mu naanga ya Isakale vaje vavaakele cizivukiso vapwile 12,000,

Maako 1:17

Co vanu va Yunda vaile amo na vanu va muyati wa Simyoni, vakalwisile vaKanana, vaje vakele mu nganda ya Zafete. Vainyongesele njwa, co ije nganda vailukile lizina lya Holema.

Maako 1:2

Co Shukulu Kalunga wavakumbulwile ngwendi, “Muyati wa Yunda ukewo uya akulivanga, omo yange njinakundika lifuti mu mavoko avo.”

Maako 1:4

Omo Yunda waile mukulwa nzita, co Shukulu Kalunga wavahyanesele nakuvana moko yakufungulula vaKanana, na vaPeleze, co vafungulwile vanalume 10,000 ku Mbezeke.