Maako 1:19 - Livulu lya Shukulu Kalunga

¹⁹ Shukulu Kalunga wakele amo na vanu va muyati wa Yunda, co vafungulwile lifuti lya malundu, oloni kuvashekelemo vanu vaje vakele mu vyana, omwo vakele na matemba a vikuvo.

Maako 1:19 Iomraidhean Croise

Kushangumuka 39:2

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Kushangumuka 39:21

Oloni Shukulu Kalunga wakele amo na Yosefa wamumwesele cizemo cendi cije kucesi kutenguluka, nakumulingisa ngeci uje muka-kunyunga kamenga amuzivile ngozi.

2 Samwele 5:10

Co Ndaviti wakele na lutsimo simbu yoshe, omwo Shukulu Kalunga Njambi Muka-nzili yoshe wakele amo nendi.

2 Vimyene 18:7

Ngecivene, Shukulu Kalunga wakele amo nendi, co wavezikile mu vyuma vyoshe vije vyalingile. Watengulukilile mwene wa Asilya, co kamwononokele.

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:9

Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

Myaso 60:12

Omwo tuli amo na Njambi tukahyana, ikeye akafungulula vitozi vetu.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Filipu 4:13

Njasa kulinga vyuma vyoshe a nzili ije yananjana Kilistu.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 14:12

Ngeconi ololo, njane lifuti lya malundu lije lyanjikulaesele Shukulu Kalunga a litangwa lije omo yange na vanu vange twatwalele vukaleo. Co a simbu ije twakulekele ngeci uje muyati wa makisi-kisi uvatumbula ngwavo vaAnakime vakele kuje mu vinganda vya vivumbe vyavilaja. Nga Shukulu Kalunga akakala amo nange, co njikavasheka, ngwe muje mwendekele Shukulu Kalunga.”

Yoshwa 6:27

Ngecivene, Shukulu Kalunga wakele amo na Yoshwa, co lutsimo lwendi lwashandokelele mu lifuti mwoshe.

Yoshwa 7:12

Mukemwo vaIsalele kuvasele kwimana ku mesho a vitozi vavo. Vanatewa omwo vapwile vakusinga. Kunjikakala neni lalo kuvanga mutundise vyuma vije vyakukundika vili akati keni.

Maako 1:2

Co Shukulu Kalunga wavakumbulwile ngwendi, “Muyati wa Yunda ukewo uya akulivanga, omo yange njinakundika lifuti mu mavoko avo.”

Maako 4:13

co ikeye wakungulwile matemba endi a vikuvo akupwa 900, na vanu vendi voshe, co watundile navo mu Haloshete ya Vaka-kujeneka kukulaela nakuya ku Ndonga ya Kishone.

Maako 4:3

Njavine wakele na matemba a vikuvo akupwa 900, co ikeye washwanene vanu va Isalele na muuka na vukalu myaka makumi avali. Asinoni vanu va Isalele valililile kuli Shukulu Kalunga ngeci avakwase.

1 Samwele 18:12

Saulu wakele na lyova ali Ndaviti, omwo Shukulu Kalunga wakele amo na Ndaviti, oloni ikeye Saulu Shukulu Kalunga wamujenjukile.

1 Samwele 18:14

ku vyuma vyoshe vyalingile Ndaviti, wavilingile mwamuvwa, omwo Shukulu Kalunga wakele amo nendi.

1 Samwele 18:5

Co Ndaviti wakele nakuya kwoshe kuje kwakele nakumutuma Saulu, co Saulu wamupwisile mwata wa mbunga ya mashwalale vendi. Cifwa eci cavwaelelesele vanu voshe va Saulu, na vamyata vendi.