Lute 4:5 - Livulu lya Shukulu Kalunga

⁵ Mbowasi wendekele ngwendi, “Mwamuvwa nga yove ulanda lije lihya kuli Naumi, co lalo ambatela kumo na uje fwile Lute kaMowavi, ngeci lihya lisale mu mavoko a vavushoko vwa mutsi.”

Lute 4:5 Iomraidhean Croise

Kushangumuka 38:8

Asinoni Yunda wendekele kuli Onane ngwendi, “Inga fwile ya ndolome yove. Umulingileko ngwe mwaya cilika ca munakazi na munalume wendi, ngeci ndolome yove akale na vatekulwila.”

Mateo 22:24

Vamwihwile ngwavo, “Mulongisi, Mosesa watusonekelele ngeci nga munalume umo kesi na vana atsa, ndolome yendi ambate uje fwile ngeci vakase kukala na vana ali uje natsi.

Luka 20:28

“Mulongisi, Mosesa watusonekelele lishiko eli ngwendi, ‘Nga munalume atsa, co aseza munakazi wendi oloni kesi na vana, co ndolome yendi ambate uje fwile ngeci vakase kukala na vana va ali uje natsi.’

Kwituluka mu Mashiko 25:7

Oloni nga ndolome ya uje mutsi kashaka kwambata uje munakazi, co uje munakazi akaye kuli vantwama va mu nganda akendeka ngwendi, ‘Ndolome ya munalume wange navyana kusangula lizina lya ndolome yendi mu Isalele. Shendi kupanga cipangi ca munaina kuli yange.’