Lute 4:15 - Livulu lya Shukulu Kalunga

¹⁵ Vanyokomweno ava vakuzema manene, vanatuvakana vana va vanalume vatanu na vavali. Co ololo nakwana mutekulu wa munalume uje akasangula lizina lyove nakukwana kuvwaelela mu vukulukazi vwove.”

Lute 4:15 Iomraidhean Croise

Kushangumuka 45:11

Nga wakukala mu Ngoshene, co yange njakukunyunga. Omwo kucili myaka itanu ya njala ya lyangengela, cooni kunjishaka yove, na naanga yove, na vimuna vove mulanduke.’ ”

Kushangumuka 47:12

Yosefa waanene vyakulya kuli ishe, na vandolome vendi, na naanga yoshe ya ishe, na kuli vaje vavandondo lalo.

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Visimo 18:24

Munu wa vasamba vavangi alinyongesa ikeye vavenya, oloni musamba wa vushunga wa a mbunge natuvakana kavushoko.

Isaya 46:4

Yange nji Njambi yeni, co njikamilela, noo munakolo, na vwele ku mitwe yeni. Yange njamitangele, co njikamilela, njikamikwasa nakumyamena.

Lute 4:16

Naumi wambatele mwana, wamukambekele a nulo yendi, wamulelele.

1 Samwele 1:8

Co munalume wendi Elekana wamwihwile ngwendi, “Hana, omwo vikajo ulinakulila? Omwo vikajo kuwesi nakulya? Omwo vikajo ulinakuvavalesa mbunge yove? Kuma yange munjakushaka yove kunjatuvakanene vana va vanalume likumi ndi?”

1 Samwele 2:5

“Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.