Lute 4:13 - Livulu lya Shukulu Kalunga

¹³ Ngecivene, Mbowasi wambatele Lute, co Shukulu Kalunga wavezikisile Lute, wakele na kafumba, wakitile mwana wa munalume.

Lute 4:13 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

Kushangumuka 25:21

Isake walombelele kuli Shukulu Kalunga ali munakazi wendi Lembeka, omwo Lembeka wapwile mumba. Co Shukulu Kalunga wazivile lilombelo lyendi ngeci Lembeka wakele na kafumba.

Kushangumuka 29:31

Shukulu Kalunga wamwene ngeci Yakomba wazemene manene Lakele kutuvakana Leya, co washokolwele shivu ya Leya ngeci akale na vana, oloni Lakele wapwile mumba.

Kushangumuka 30:2

Yakomba waluvalele na Lakele, wendekele kuli ikeye ngwendi, “Kunjasa kwinga mu mwela wa Njambi. Njambi ikeye nashoko shivu yove ngeci kesi ukite vana.”

Kushangumuka 33:5

Omo Isau wandwile mesho endi wamwene vanakazi na vanike, co wehwile ngwendi, “Ava veya uli navo?” Yakomba wamukumbulwile ngwendi, “Mwane, ava vakevo vana vaje vananjana Njambi mu ngozi yendi.”

Myaso 113:9

Shukulu Kalunga avezikisa mumba mu njuvo yendi, amuvwaelelesa akumwana vana. Shangazaleni Shukulu Kalunga!

Myaso 127:3

Vana vapwa vushwana vwakutunda kuli Shukulu Kalunga, vapwa lalo vwana vwakutunda kuli ikeye.

Lute 3:11

Co ololo, kesi ulinyenge embwe, njikakulingila vyuma vyoshe viwunalombo. Vanu voshe va muno mu nganda vazivuka ngeci yove wapwa u munakazi wamuvwa wa kulongwa.

Lute 4:12

Naanga yove ipwe ngwe naanga ya Peleze muna Tamale na Yunda.”

1 Samwele 1:27

Mwana ou ikeye injalombele, co Shukulu Kalunga nanjana evi vinjamulombele.

1 Samwele 2:5

“Vanu vaje valile mwamuvwa, ololo vanajeneka vyakulya, oloni vaje vakele na njala kuvesi lalo na njala. Mumba nakiti vana vatanu na vavali, oloni uje wakitile vavangi nasala mavoko-voko.