Lute 3:9 - Livulu lya Shukulu Kalunga

⁹ Co wehwile ngwendi, “Yove iyajo?” Lute wamukumbulwile ngwendi, “Mwane, yange Lute. Omwo yove wapwa muka-vulo vwetu wakutukundama, yove uli na moko yakunjinyunga. Ngeci njilinakukulomba ngwange unjikongweye.”

Lute 3:9 Iomraidhean Croise

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Lute 2:20

Naumi wendekele ngwendi, “Shukulu Kalunga avezikise Mbowasi! Visimbu vyoshe Shukulu Kalunga wapwa muka-kunyunga vikulaeso vyendi kuli vaka-kuyoya na kuli vatsi. Uje munu, ikeye muka-vulo vwetu natukundama, ikeye umo wa vaje vasa kutunyunga.”

Lute 3:10

Asinoni Mbowasi wendekele kuli Lute ngwendi, “Shukulu Kalunga akuvezikise munange. Eci ulinakulinga camwesa vukama vwa kasingimiko kakama mu naanga, kutuvakana vije viwalingile kuli vanyokomweno. Yove wapandele kuya nakushakezeka mukwenje, nambe wakufuka nambe kautu, oloni kuwalingilemo.

Lute 3:12

Mwa vushunga yange njapwa nji muka-vulo vwove wakukukundama. Co lalo njili na moko yakukunyunga, oloni kwali munu umo ikeye kavushoko ketu wa a mbunge kutuvakana yange.

Lute 3:8

Mukati ka vutsiki Mbowasi wakasumukile mu tulo. Co omo watengulukile, walikomokelele manene akuwana munakazi nalala ku mendi endi.

Lute 4:4

njinakuleke ngeci uzivuke omwo yove wapwa kavushoko kendi wa a mbunge. Cooni nga ulishaka lilande ku mesho a mbunga ya vakulunu ava vanatumbama kuno. Oloni nga kuulishaka, endeka, omwo yove uli na moko yakulilanda akulivanga asinoni yange.” Co uje munalume wendekele ngwendi, “Njikalilanda.”

Lute 4:6

Co uje munalume wamukumbulwile ngwendi, “Nga ngoconi, co eli lihya kunjasa kulilanda, omwo eci cikapwa cangoco, amo vana vange kuvakasa kulishwana. Cooni lilande yove, nga yangeni shange!”

1 Samwele 25:41

Avingaile watsikamene a mavuli nakulemesa, co wendekele ngwendi, “Yange ngamba yendi, njinalivwaesela cimweja kujwelesa mendi a vangamba va shukulu yange.”