Lute 2:3 - Livulu lya Shukulu Kalunga

³ Ngecivene, Lute waile ku mahya, wakavangeyeye munima ya vaka-kupanga nakunonongola mbale ya maumwa ije vanaseze. Co casholokele ngeci, kuma wakele mu lihya lya Mbowasi kavushoko ka Elimeleke.

Lute 2:3 Iomraidhean Croise

2 Samwele 1:6

Co mukwenje wendekele ngwendi, “Mukwenda cintulu njetele a Munkinda wa Ngilembowa, co njamwene Saulu najendamena ku likunga lyendi, matemba na mashwalale va tuvalu twa vitozi vakele nakushwenya kuli ikeye.

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

2 Vimyene 8:5

Simbu Ngehazi acili nakuleka mwene vati Elisha wendwile uje mutsi, co uje munakazi wambulwile n̄anda yendi kuli mwene, co Ngehazi wendekele ngwendi, “Shukulu, ou munakazi nendi lalo munendi vamwindwile kuli Elisha!”

Mateo 10:29

Kuma kuvesi kulanda tunzilili vavali na mbongo imo indi? Co kanzilili naumo wai akatsi kujeneka cizango ca Ishweni.

Luka 10:31

Co muka-kukombelela wezile mu ngila ije, oloni omo wamwene uje munalume wamwongolokele.

2 Tesalonika 3:12

Mu lizina lya Mwene Yesu Kilistu tulinakushika ava vanu nakuvanangula ngeci vanapande kuyoya mwamuvwa nakupanga vipangi vyakuvayoyesa mukuyoya kwavo vavenya.

Lute 2:2

A litangwa limo Lute muka-muyati wa Mowavi wendekele kuli Naumi ngwendi, “Njitave njiye ku mahya njikapupulule vimbuto vya vinona vivanaseze munima amo njikawana akanjizivilako mema ku mbunge.” Naumi wamukumbulwile ngwendi, “Mwamuvwa munange ya.”

Lute 2:4

Omo kwetile kasimbu Mbowasi wezile kutunda ku Mbetelehema, walikandelelele na vaka-vipangi vendi. Wendekele ngwendi, “Shukulu Kalunga akale amo neni.” Co vamukumbulwile ngwavo, “Shukulu Kalunga amivezikise mwane.”