Lute 2:13 - Livulu lya Shukulu Kalunga

¹³ Lute wamukumbulwile ngwendi, “Mwane, yove uli na ngozi yakama kuli yange. Unanjisimpisa mu mbunge akwendeka mwamuvwa kuli yange, nameme kunjapwile amo na umo wa vangamba vove.”

Lute 2:13 Iomraidhean Croise

Kushangumuka 32:6

Omo tunganda velukile kuli Yakomba vendekele ngwavo, “Twaile kuli ndolome yove Isau, co na ikeye vene ali mu ngila alinakwija mukukushesha. Alinakwija na vanu 400.”

Kushangumuka 33:10

Yakomba wamukumbulwile ngwendi, “Embwe mwane, nga njinawana kutetela ku mesho ove, tambula vwana vwange. Omo njamono cihanga cove, cinapu ngwe njinamono cihanga ca Njambi, omwo unanjizivila mema ku mbunge.

Kushangumuka 33:15

Co Isau wendekele ngwendi, “Mwamuvwa njikusezele vamo vanu vange.” Oloni Yakomba wamukumbulwile ngwendi, “Embwe, kucitava, njishaka lika kuwana kutetela ku mesho ove.”

Kushangumuka 33:8

Co Isau wamwihwile ngwendi, “Aje matanga njaliwana nawo avikajo? Eci cinanunguluka vika?” Yakomba wamukumbulwile ngwendi, “Cinanunguluka ngeci njiwane kutetela ku mesho a shukulu yange.”

Kushangumuka 34:3

Oloni wamwene ngeci uje mumbanda wapwile wamuvwa manene, co wamushakele nakumuzema ngecivene, wesekele kumukokweya.

Kushangumuka 43:14

Njilomba Njambi Muka-nzili yoshe ngeci owo munalume akamizivileko mema ku mbunge, akamyane ndolome yeni mukwavo amo na Mbenjemani. Nga njijeneka vana vange, co nange njinavindama vene.”

2 Samwele 16:4

Co mwene wendekele kuli Ziva ngwendi, “Vyuma vyoshe vije vyapwile vya Mefimboshete ololo vinapu vyove.” Co Ziva wamukumbulwile ngwendi, “Njakandelelako, yange ngamba yove shukulu, njiwane kutetela ku mesho ove, shukulu mwene!”

Visimo 15:33

Kukomoka Shukulu Kalunga, kulongesa munu mana, akulivanga unapande kulikeesa, asinoni uwane kasingimiko.

Hoziya 2:16

Asinoni akanjitumbula lalo ngwendi nji munalume wendi, co lalo kakanjitumbula ngwendi nji Mbale wendi embwe.

Filipu 2:3

Kesi mulinge cuma cimo na viyongola vya cipululu, nambe na mashungu akulishasha; oloni likeeseni ku mesho a umo na umo, simbu yoshe yongoleni vakweni ngwe vanapu vavavwa kumihyana yeni.

Maako 19:3

Asinoni munalume wendi wamukavele, nakweseka kumusindiya kwiluka kuli ikeye. Ikeye waile na ngamba yendi na vimulu vavali. Co uje munakazi watambwile mwamuvwa munalume wendi uje kaLevi ku njuvo ya ishe, co omo ishe wamumwene, wamutambwile nakuvwaelela manene.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”

Lute 2:14

A simbu yakulya kwa mutanya, Mbowasi wendekele kuli Lute ngwendi, “Ija kuno tulya mumo, ambata likende, tanta mu vinyu.” Ngecivene, Lute watumbamene amolika na vaka-vipangi, co Mbowasi wamwanene cisoko. Ngeci walile noo vakutile, co vyakulya vimo anga vyasaleleo.

1 Samwele 1:18

Co Hana wamukumbulwile ngwendi, “Njiwane kutetela ku mesho ove simbu yoshe.” Co waile, wakalile vyakulya, co kombwele lalo ku mesho endi.

1 Samwele 25:41

Avingaile watsikamene a mavuli nakulemesa, co wendekele ngwendi, “Yange ngamba yendi, njinalivwaesela cimweja kujwelesa mendi a vangamba va shukulu yange.”