Lute 2:12 - Livulu lya Shukulu Kalunga

¹² Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”

Lute 2:12 Iomraidhean Croise

Myaso 17:8

Njinyunge ngwe muukanyungu mun̄andi wa lisho, co njinyunge ngwe mwakanyungu kazila vana vendi mu mambava endi

Myaso 19:11

Akewo anjinangula yange ngamba yove, njinatambula cikandelela akuwononoka.

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Myaso 61:4

Njitave njikale nove myaka yoshe, ngeci njiwane kwoloka mu mambava ove.

Myaso 63:7

omwo wapwa u mukwasi wange. Co njiimba nakujolela, mu munzinze wa mambava ove.

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Visimo 23:18

Co mwa vushunga vene ukakala na cinyangavili ku matangwa a kulutwe.

Njelemiya 31:16

Likele kulila, lisikumune misozi. Vyoshe vije walingilile vana vove, kuvikai mwangoco kujeneka cikandelela embwe, vakeluka kutunda mu lifuti lya citozi.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Mateo 6:1

“Nyanyameni kutewa mulingila vushunga vweni ku mesho a vanu ngeci vanu vamone vije vimulinakulinga. Nga mulinga vyuma vije ku mesho a vanu, kumukatambula cikandelela kuli Ishweni uje ali mwilu.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

2 Timateo 1:18

Mwene akamwane kutetela kwendi a Litangwa lije! Wazivuka mwamuvwa kukwasa kwendi muje njakele mu Efeso.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

Lute 1:16

Oloni Lute wamukumbulwile ngwendi, “Kesi unjisindiye kwiluka kwimbo ngeci njikuseze embwe! Njitave njiye amo nove. Kwoshe kuukaya, nange kunjikaya, kwoshe kuje kuukakala, nange kunjikakala. Na vanu vove vakapwa vanu vange, co Njambi yove akapwa Njambi yange.

Lute 2:11

Mbowasi wamukumbulwile ngwendi, “Njinazivi vyuma vyoshe vije viwalingile kuli vanyokomweno, tunde aje munalume wove watsile. Njazivuka yove waseza vaisho na vanyoko, na lifuti lyove, co unaija nakukala akati ka vanu vaje kuwazivukile akulivanga.

Lute 2:13

Lute wamukumbulwile ngwendi, “Mwane, yove uli na ngozi yakama kuli yange. Unanjisimpisa mu mbunge akwendeka mwamuvwa kuli yange, nameme kunjapwile amo na umo wa vangamba vove.”

Lute 4:15

Vanyokomweno ava vakuzema manene, vanatuvakana vana va vanalume vatanu na vavali. Co ololo nakwana mutekulu wa munalume uje akasangula lizina lyove nakukwana kuvwaelela mu vukulukazi vwove.”

1 Samwele 24:19

Visimbu vingaijo munu akwata citozi cendi, co amwecela aliile ngoco? Shukulu Kalunga akuvezikise a vyuma evi unalingi kuli yange ku litangwa lya lelo!

1 Samwele 24:20

Ololo njazivuka ngeci ukapwa mwene wa mu Isalele, na vumwene vukatwalao mukushwana kwove.