Lute 1:22 - Livulu lya Shukulu Kalunga

²² Ngecivene, omu mukemwo mwatundilile Naumi ku Mowavi amo na Lute, vainamweno va ku muyati wa Mowavi. Vakevo vetele mu Mbetelehema a simbu yakushangumuka kuteja mbale ya maumwa.

Lute 1:22 Iomraidhean Croise

2 Samwele 21:9

Co Ndaviti wavanene kuli vanu va ku Ngimbiyone, co vavashukikile a munkinda ku mesho a Shukulu Kalunga, voshe vatanu na vavali vatsililile amolika. Yapwile simbu ya cisika, yakushangumuka kuteja mbale ya maumwa, omo vavatsiile.

VaLevi 23:10

“Leka vanu va Isalele ngwove, omo mwija mu lifuti lije lyakamyana Shukulu Kalunga, omo mukateja vimbuto vyeni, twaleni mukuta wakulivanga umunateje kuli muka-kukombelela.

VaLevi 23:11

Co ikeye akawana kuli Shukulu Kalunga kupwa n̄ombelo yaivwa, ngeci akamitambule. Co muka-kukombelela akautwala alikaki omo Litangwa Lyakuhwima lineti.

Lute 2:23

Ngecivene, Lute wapangele amo na vanakazi nakupupulula mbale, wapupulwile noo mbale na tiliku vyoshe vyahwile kuteja. Co Lute wakele amolika na vainamweno.

Lute 2:6

Uje ntwama wamukumbulwile ngwendi, “Ikeye mumbanda uje muka-kwija, wezile na Naumi ku Mowavi.