Lute 1:16 - Livulu lya Shukulu Kalunga

¹⁶ Oloni Lute wamukumbulwile ngwendi, “Kesi unjisindiye kwiluka kwimbo ngeci njikuseze embwe! Njitave njiye amo nove. Kwoshe kuukaya, nange kunjikaya, kwoshe kuje kuukakala, nange kunjikakala. Na vanu vove vakapwa vanu vange, co Njambi yove akapwa Njambi yange.

Lute 1:16 Iomraidhean Croise

2 Samwele 15:21

Oloni Itai wamukumbulwile ngwendi, “Shukulu, njilisinga kuli yove mu lizina lya Shukulu Kalunga ngeci simbu yoshe njikaya amo nove kwoshe kuuyila, nameme kutsa, nameme kuyoya, ngamba yove nalivwaesa kuya amo nove.”

Myaso 45:10

Yove shombolwa ya mwene, tolilila vije njikuleka, kesi utolilile kunangula kwa vanu vove na vavushoko vwove.

Visimo 17:17

Vasamba vamwesa cizemo cavo simbu yoshe, vavushoko vanasemukila ngeci vamwene amo tuyando.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Mateo 8:19

Co mulongisi wa majwi a Lishiko wezile kuli ikeye nakwendeka nendi ngwendi, “Mulongisi, njikakukava kwoshe kuuya.”

Yowano 13:37

Petulu wehwile ngwendi, “Mwene, omwo vika kunjasa kukukava ololo? Njinalivwaesela cimweja kutsa amo nove!”

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

Yoshwa 24:18

Omo twezile mu lifuti lino, Shukulu Kalunga washekelemo vaAmoli voshe vaje vakelemo. Ngecivene, netu lalo tukapangela Shukulu Kalunga omwo ikeye wapwa Njambi yetu.”

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

Lute 1:15

Ngecivene, Naumi wendekele kuli ikeye ngwendi, “Munange, munyanyoko neluka kuli vavushoko vwendi, na kuli vinjambi vendi. Co nove lalo iluka kwimbo lyeni.”

Lute 1:17

Kwoshe kuje kuukatsila, nange kunjikatsila, kuje vene kukekwo kuvakanjitsinda. Shukulu Kalunga anjisinge nga njitava cuma cimo cakunjangununa kuli yove, kuvanga kutsa!”

Lute 2:6

Uje ntwama wamukumbulwile ngwendi, “Ikeye mumbanda uje muka-kwija, wezile na Naumi ku Mowavi.

Lute 4:15

Vanyokomweno ava vakuzema manene, vanatuvakana vana va vanalume vatanu na vavali. Co ololo nakwana mutekulu wa munalume uje akasangula lizina lyove nakukwana kuvwaelela mu vukulukazi vwove.”