Luka 9:55 - Livulu lya Shukulu Kalunga

⁵⁵ Yesu watengulukililile kuli vakevo wavavindikile ngwendi, “Kumuzivuka Munzinzime uka uje umulinawo, omwo Muna Munu kezile nakunyongesa myonyo ya vanu, oloni wezile ngeci avovole.”

Luka 9:55 Iomraidhean Croise

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Yombi 26:4

Iyajo iwuyongola ngwove asa kuziva majwi ove oshe? Iyajo nakukwasele kuyongola majwi awa?

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Visimo 9:8

Kesi unangule muka-kulyalesa, akakuzinda lika ngoco. Oloni nga unangula munu wakunyanyama, co munu wa cifwa cangacije akakuzema.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Mateo 16:23

Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”

Mateo 26:33

Petulu wendekele nendi ngwendi, “Nameme voshe vakakuseza yange kunjikakuseza nalumo lwai!”

Mateo 26:41

Toneni nakulombela kutewa mukovela mu vyeseko. Mbunge ishaka vene, oloni muvila unazeye.”

Mateo 26:51

Co umo uje wakele na vaje vakele na Yesu, washomwene mukwale wendi, co wavatwile litwi lya ndungo ya Muka-kukombelela Wakama.

Luka 9:54

Omo vandongisi vendi Yakomba na Yowano vamwene evi, vendekele ngwavo, “Mwene, kuushaka ngeci tusane tuhya twa mwilu twije nakuvanyongesa ndi?”

Luka 9:56

Asinoni Yesu na vandongisi vendi vaile ku limbo likwavo.

Yowano 16:9

Akavavayesa a vuvi omwo kuvakulaelele kuli yange,

Yakomba 3:10

Majwi akukandelela nawa a cisingo oshe akatuuka mu kanwa kamolika. Vasamba vange, vyuma evi kuvyapandele kulingiwa!

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.