Luka 9:49 - Livulu lya Shukulu Kalunga

⁴⁹ Yowano wendekele ngwendi, “Shukulu, twamwene munalume umo wakele nakutundisa minzinzime yakujwala mu lizina lyove, co twamulekele ngeci alikele, omwo ikeye kesi wa mu munga yetu embwe.”

Luka 9:49 Iomraidhean Croise

Mateo 3:14

Oloni Yowano washakele kumuvyana ngwendi, “Yange njapandele kwija kuli yove ngeci unjimbwitike, kesi yove wije kuli yange ngeci njikumbwitike!”

Luka 5:5

Simoni wamukumbulwile ngwendi, “Shukulu tunaundangana vutsiki vwoshe oloni nakamo tunakwata kai. Oloni omo unendekamo, co tuta manimbwa.”

Luka 9:33

Omo vaje vanalume vasezele Yesu, co Petulu wendekele kuli ikeye ngwendi, “Shukulu, mwamuvwa kuli yetu nga tukala kuno! Tutunga mambalanda atatu, limo lyove, limo lya Mosesa, limo lya Elinja.” (Kazivukile vije vyakele nakwendeka.)

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!