Luka 9:41 - Livulu lya Shukulu Kalunga

⁴¹ Co Yesu wakumbulwile ngwendi, “Yeni vaka-kujeneka kukulaela na vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni?” Asinoni wendekele kuli uje munalume ngwendi, “Nena kuno munove.”

Luka 9:41 Iomraidhean Croise

2 Vimyene 5:8

Omo Elisha muka-kwimanena wazivile ngeci mwene wa mu Isalele natavula vuzalo vwendi, co watumine lijwi kuli mwene ngwendi, “Omwo vikajo unatavwila vuzalo vwove? Tuma munalume kuno kuli yange, co njikamumwesa ngeci mu Isalele muli muka-kwimanena!”

Myaso 78:8

Vakevo kuvakapu ngwe vakukulwila vavo, vanu vakukaluwa vimbunge nakujeneka kwononoka, vanu vaje kuvakulaelele Njambi, co kuvapwile va kulongwa kuli ikeye.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 16:28

Asinoni Shukulu Kalunga wendekele kuli Mosesa ngwendi, “Visimbu vingai yeni vanu mukavyana kwononoka kushika kwange?

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Kulava 14:11

Shukulu Kalunga wendekele kuli Mosesa ngwendi, “Visimbu vingai vanu ava vakanjishaula? Co lalo visimbu vingai vakavyana kunjikulaela nameme vamwene vikomokeso vyoshe vije njalingile akati kavo?

Kulava 14:27

“Visimbu vingai ava vanu vaka-vuvi vakalinyenyetela kuli yange? Njazivi kulinyenyeta kwavo!

Mateo 11:28

“Ijeni kuli yange, yeni voshe munajuka nakwambata vyakulema, co njikamihwimisa.

Mateo 12:39

Oloni wavakumbulwile ngwendi, “Vanu vavavi va matangwa ano vakujeneka kukulaela vashaka lika cizivukiso, oloni cizivukiso nacimo cai mukamona kuvanga lika cizivukiso ca Yona muka-kwimanena.

Mateo 12:45

Asinoni uya nakunenelamo minzinzime yeka itanu na ivali yakujwala manene kutuvakana ukewo, ikovelamo nakutumbamamo. Co kuviya kwa munu uje kwakukotokela kukatuvakana kwakulivanga. Ngecivene, mucikapwa ku muyati ou wauvi wa vanu ava valelo.”

Mateo 16:4

Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.

Mateo 17:17

Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!”

Mateo 23:36

Mwa vushunga njimileka ngwange, cihiso coshe eci cikaija ali vanu va matangwa ano!

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Mako 10:14

Oloni omo Yesu wacimwene, waluvalele wendekele kuli vandongisi vendi ngwendi, “Eceleni vanike vavandondo vaije kuli yange kesi muvavindike, omwo Vumwene vwa Njambi vunapu vwavo.

Mako 10:49

Co Yesu wemanene wavalekele ngwendi, “Musaneni.” Ngecivene, vamusanene uje munalume wakapuputwa. Vendekele ngwavo, “Simpa! Katuka nakusana.”

Mako 9:19

Co Yesu wendekele kuli vakevo ngwendi, “Yeni vaka-kujeneka kukulaela! Visimbu vingaijo njikakala neni? Visimbu vingaijo njinapande kuyanda omwo yeni? Neneni owo mukwenje kuno kuli yange!”

Luka 8:25

Asinoni wendekele kuli vandongisi ngwendi, “Kukulaela kweni kuli kulijo?” Oloni vakevo valikomokelele nakuziva lyova, co valihozwele umo na mukwavo ngwavo, “Munu wakufwa vatijo ou? Uje nameme lihunzi na mankimba vimwononoka!”

Luka 9:40

Njalambelelele vandongisi vove ngwange vamutundiseye, oloni kuvasele.”

Luka 9:42

Omo mukwenje wakele nakwija, co munzinzime wakujwala wamuwisilile asi nakumushinyisa manene. Co Yesu washikile uje munzinzime wakujwala, uje mukwenje wakangukile, co wamwanene kuli ishe.

Yowano 14:9

Yesu wakumbulwile ngwendi, “Njinakala neni muvavoshe simbu yakama, oloni kuwanjizivukile, Filipu? Woshe uje nanjimono namono Tate. Omwo vikajo wendeka ngwove, ‘Tumwese Isho’?

Yowano 20:27

Asinoni wendekele kuli Tomasi ngwendi, “Aka mulavo wove omu, co kenga ku mavoko ange, co olola livoko lyove ngeci ukwate ku vimati vyange. Kesi ulinge vimata, oloni kulaela lika!”

Vilinga vya Miluwa 13:18

co wavanyungile mu mambo myaka makumi awana.

Vilinga vya Miluwa 2:40

Petulu wendekele kuli vakevo na majwi amangi eka nakuvalambelela ngwendi, “Lyameneni yeni vavenya ku kunyanyamesa kulinakwija ali vanu ava va vilinga vya kupenga-penga!”

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Kwituluka mu Mashiko 32:5

Oloni yeni mwalingile mwamuvi kuli ikeye, co kumwapandele kupwa mu vanu vendi embwe, muyati wauvi wa makuli.

VaHevelu 3:19

Ngecivene, tumona ngeci kuvasele kukovela mu lifuti omwo kuvakulaelele.

VaHevelu 4:11

Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.