Luka 9:32 - Livulu lya Shukulu Kalunga

³² Petulu na vaje vaakele navo vakele mu tulo, oloni omo vendukile vamwene vumpau vwa Yesu na vanalume vavali vaje vemanene navo.

Luka 9:32 Iomraidhean Croise

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Ndanyele 10:9

Omo njazivile lijwi lyendi, co njawililile asi njatsilemo kavela-vela, njavulumanene nakukengesa cihanga cange asi.

Ndanyele 8:18

Omo wakele nakwendeka, co njatsilemo kavela-vela. Oloni wanjikwatele ku livoko, co wanjimikile,

Mako 14:40

Co welukile lalo kuli vandongisi vendi, wavawanene vanalala tulo, omwo mesho avo alemene manene na tulo. Co kuvasele lalo kuwana mwakumukumbulwila.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

2 Petulu 1:16

Omwo kutwakavele visimo vyakutunda ku mana a vanu mukumyambulwila vya kwija kwa Mwene yetu Yesu Kilistu mu nzili. Na mesho etu vavenya twamwene vukama vwendi.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.