Luka 9:30 - Livulu lya Shukulu Kalunga

³⁰ Vwasi-vwasi vanalume vavali vakele nakwendeka nendi. Vakevo vapwile Mosesa na Elinja,

Luka 9:30 Iomraidhean Croise

Luka 1:17

Akaya kulutwe lwa Mwene, na nzili na vukama ngwe Elinja muka-kwimanena. Akelwisila vaishavo na vana amolika, akatengulula vaka-kujeneka kwononoka nakuvelwisila lalo ku ngila yakuyongola ngwe vaka-vushunga, akavwaesela cimweja vanu va Mwene ngeci vamukengelele.”

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Luka 9:19

Vamukumbulwile ngwavo, “Vamo valinakwendeka ngwavo yove Yowano Muka-kumbwitika, veka lalo ngwavo yove Elinja, vakwavo lalo ngwavo yove umo wa vaka-kwimanena valaja uje nasanguka.”

Luka 9:29

Simbu wakele nakulombela, cihanga cendi cemukile, co vuzalo vwendi vwatokele too ngwe ceke.

Luka 9:31

vaje vasholokele mu vumpau vwa mwilu vakele nakwendeka na Yesu a ngila ije yakushulisilamo vwasi vutumbe vwa Njambi a kutsa kwendi mu Yelusalema.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.