Luka 9:26 - Livulu lya Shukulu Kalunga

²⁶ Nga munu anjizivila shwamwa na vilongesa vyange, co na Muna Munu lalo nendi akamuzivila shwamwa omo akaija mu vumpau vwendi na mu vumpau vwa Ishe na mu vumpau vwa tungelo vakujela.

Luka 9:26 Iomraidhean Croise

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Yowano 12:43

Omwo vazemene kuvashangazala ku vanu, kutuvakana kushangazala kwakutunda kuli Njambi.

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

Yunda 1:14

Inoke lalo uje wapwile wamucitanu na umo ku vatekulwila va Andama, uje ku san̄ulu wambulwile vuka-kwimanena ali vakevo, co wendekele ngwendi, “Kengeni, Mwene akaija na makulukazi a tungelo twendi,

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.