Luka 9:1 - Livulu lya Shukulu Kalunga

¹ Yesu wasanene vandongisi likumi na vavali vaije kuli ikeye, co wavanene nzili na moko yakutundisa minzinzime yakujwala yoshe nakukangwisa mishongo.

Luka 9:1 Iomraidhean Croise

Mateo 16:19

Njikakwana masapi a Vumwene vwa mwilu, co nkala cuma ciwukakuta ano asi, na mwilu vakacikuta lalo, co nkala cuma ciwukazitula ano asi, na mwilu vakacizitula lalo.”

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mateo 8:9

Omwo nange njili mwisi ya moko ya vamyata vange, co njili na mashwalale vakanjononoka. Njishika umo ngwange, ‘Ya!’ Co aya, co njishika mukwavo lalo ngwange, ‘Ija!’ Co aija, co lalo njikashiki ndungo yange ngwange, ‘Linga eci!’ Co acilinga.”

Luka 10:1

Munima ya vyuma evi Mwene waangwile lalo vanalume veka makumi atanu na avali na vanu vavali nakuvatuma vavali vavali kulutwe lwendi, ku vinganda vyoshe na ku mitambela yoshe kuje kwashakele kuya ikeye vavenya.

Luka 10:19

Tolilileni! Njamyana moko ngeci mukalyatangele manyoka na manyewe, nakuhyana nzili yoshe ya Citozi, co nacimo cai cikamivulumuna.

Yowano 14:12

Mwa vushunga njimileka ngwange, woshe uje akulaela kuli yange akalinga vipangi vije vinjilinga, eyo, akalinga vipangi vyakama kutuvakana evi, omwo njilinakuya kuli Tate.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 3:16

Co yapwile nzili ya lizina lyendi ikeyo inakangwisa munu ou. Evi vimunamono nevi vimunazivuka vinalingiwa akukulaela mu lizina lyendi, kukulaela kuli Yesu kukekwo kunamukangwisa, ngwe mumunamono yeni voshe.

Vilinga vya Miluwa 4:30

Sholola livoko lyove mukukangwisa, co tava ngeci vikomokeso na vizivukiso vavipange mu lizina lya Ngamba yove wakujela Yesu.”

Vilinga vya Miluwa 9:34

Co Petulu wendekele kuli ikeye ngwendi, “Aeneyase, Yesu Kilistu akukangwise. Katuka jandula vulili vwove.” Aje vene Aeneyase wakatukile.