Luka 8:8 - Livulu lya Shukulu Kalunga

⁸ Oloni vimbuto vikwavo vyawililile ku livu lya vwilo, co vyakolele vyemine vimbuto 100.” Co Yesu wamanesele kwendeka ngwendi, “Uje woshe ali na matwi, azive!”

Luka 8:8 Iomraidhean Croise

Kushangumuka 26:12

Co Isake walimine mu lifuti lije, a mwaka uje vene watejele vimbuto visimbu vyakupwa 100 ku vimbuto vije wakuvile, omwo Shukulu Kalunga wamuvezikisile.

Visimo 20:12

Mesho akumwesa na matwi akutolililisa, vinapu vwana vwakutunda kuli Shukulu Kalunga.

Visimo 8:1

Tolilila! Mana alinakusana. Kuzivisisa kulinakutambeka.

Njelemiya 13:15

Eni vanu va mu Yunda, tolilileni mwanendeka Shukulu Kalunga! Kesi mulyalese, oloni pweni vaka-kulikeesa.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Mateo 11:15

Uje woshe ali na matwi, azive!

Mateo 13:23

Co vimbuto vije vyawililile ku livu lya vwilo, vinapu ngwe vaje vaziva lijwi nakulizivisisa, vaima vushuka, vamo vaima vushuka 100, vakwavo makumi atanu na limo, co vakwavo makumi atatu.”

Mako 4:20

Oloni vanu vamo vanapu ngwe vimbuto vije vyawililile ku livu lya vwilo. Vakevo vaje vaziva lijwi, nakulitambula, co vaima vushuka, vimo makumi atatu, vikwavo makumi atanu na limo, co vikwavo 100.”

Mako 4:23

Uje woshe ali na matwi, azive!”

Mako 4:8

Oloni vimbuto vikwavo vyawililile ku livu lya vwilo, vyamenene, vyakolele, co vyemine, vimo vyemine vimbuto makumi atatu, vikwavo vyemine vimbuto makumi atanu na limo, co vikwavo vyemine vimbuto 100.”

Mako 7:16

Tolilileni, uje woshe ali na matwi, azive!

Luka 14:35

Kucitava lalo kuwaka mu lihya, nambe kuulinga vwilo, oloni vaumbila kuti. Nga muli na matwi, ziveni!”

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Luka 8:7

Vimbuto vikwavo vyawililile akati ka mambimbo, co aje mambimbo akulile avitivile.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kujombolola 13:9

“Ngecivene, tolilileni nga muli na matwi!

Kujombolola 2:11

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, kutsa kwamucivali kucikavavulumuna.

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 3:13

“Nga uli na matwi, tolilila vije vyalinakwendeka Munzinzime ku vikungulukilo!

Kujombolola 3:6

“Nga uli na matwi, tolilila vije vyalinakwendeka Munzinzime ku vikungulukilo!