Luka 8:47 - Livulu lya Shukulu Kalunga

⁴⁷ Omo uje munakazi wamwene ngeci vanamuwana, wezile nakujaja na lyova wawililile ku myanja ya Yesu.Co ku mesho a mbunga ya vanu, walekele Yesu vika vyamukwatelele na muje mwendukilile a simbu ije vene.

Luka 8:47 Iomraidhean Croise

Myaso 2:11

Pangeleni Shukulu Kalunga nakujaja,

Myaso 38:9

Yove Shukulu Kalunga uzivuka vije vinjishaka, yove unazivi kukemanga kwange kwoshe.

Myaso 66:16

Yeni voshe vaka-kusingimika Njambi, ijeni, co tolilileni, ijeni njakumileke vije vyananjilingila.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Hoziya 13:1

Ku myaka ya kunima, omo muyati wa Efalime vendekele, co miyati ikwavo ya Isalele vazivile lyova, co vakengele lika kuli Efalime. Oloni vanu va Efalime valingile vuvi akulemesa Mbale, a vyuma evi, co vakatsa.

Hoziya 5:3

Njazivuka muje mwafwa Isalele, kasa kuvanda ku mesho ange embwe. Napu muka-kujeneka kulongwa kuli yange, co vanu vendi kuvafwilililemo mukunjilemesa.”

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Mateo 28:8

Ngecivene, vwasi-vwasi vatundile ku mbumbo na lyova nakuvwaelela kwakama, co vashatukile nakukaleka vandongisi vendi.

Mako 5:33

Oloni uje munakazi wazivukile vije vyalingiwile kuli ikeye, wezile nakujaja na lyova, co wawililile ku myanja ya Yesu, co wamulekele vushunga vwoshe.

Luka 8:46

Oloni Yesu wendekele ngwendi, “Ali umo nanjikwata, omwo njinazivi nzili inatundu mu muvila wange.”

Luka 8:48

Yesu wendekele kuli ikeye ngwendi, “Munange, kukulaela kwove kunakukangwisa. Ya mu kwoloka.”

Vilinga vya Miluwa 16:29

Co uje muka-kunyunga kamenga wasanene ngeci vamunenele ndeya, co washatukililemo, co watsikamene ku myanja ya Paulu na Silasi oku alinakujaja.

1 Kolinte 2:3

Ngecivene, omo njezile kuli yeni, njazeyele nakujaja na lyova,

2 Kolinte 7:15

Ngecivene, cizemo cendi kuli yeni cilinakukola, akwanuka vatijo yeni muvavoshe mwononokele kukunangula kwendi, na muje mwamutambwile na lyova nakujaja.

Filipu 2:12

Ngecivene, vasamba vange, ngwe simbu yoshe mwanjononokele omo njakele neni amo, mukemwo vene cuma cakama munapande kunjononoka nambe yange njiwaiko. Kakateyeni mu vipangi na lyova nakujaja ngeci mumanese kwovoka kweni,

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

1 Samwele 16:4

Samwele walingile vije vyamulekele Shukulu Kalunga, waile ku Mbetelehema, co vantwama va mu nganda vazivile lyova akuliwana nendi, co vamwihwile ngwavo, “Unaija mu kwoloka ndi?”