Luka 8:28 - Livulu lya Shukulu Kalunga

²⁸ Omo wamwene Yesu, co walilile manene, wawililile ku myanja ya Yesu, co watambekele ngwendi, “Yesu, Muna Njambi wa Akamwa ya Vyoshe! Vika ushaka kulinga nange? Njilinakukulomba ngwange, kesi unjihise embwe!”

Luka 8:28 Iomraidhean Croise

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Luka 8:27

Omo Yesu walamatele a nunda, waliwanene na munalume umo watundile ku nganda wakele na minzinzime yakujwala. Simbu yakama kazalele vuzalo, co lalo katumbamene hembo embwe, oloni wakele lika ku viilo.

Luka 8:29

Wendekele ngeci omwo Yesu washikile uje munzinzime wakujwala kutunda muli ikeye, uje munzinzime wakujwala wamuyandesele visimbu vyavingi, co vanu vamunyungile nakumukuta malyenge ku mavoko nakumwaka mendi mu tukunju, oloni washutwile malyenge, co uje munzinzime wakujwala wamutwalele mu mambo.

Yakomba 2:19

Unakulaela ngwove kwali Njambi umolika ndi? Mwamuvwa! Na minzinzime yakujwala lalo inakulaela, co ikajaja na lyova.

2 Petulu 2:4

Omwo Njambi katetelele tungelo vaje valingile vuvi, oloni wavombilile mu mbulu ya tuhya muje vanavakutiiya mu malyenge mu lisusulungu, nakuvandamena Litangwa Lyakusompa.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.