Luka 8:25 - Livulu lya Shukulu Kalunga

²⁵ Asinoni wendekele kuli vandongisi ngwendi, “Kukulaela kweni kuli kulijo?” Oloni vakevo valikomokelele nakuziva lyova, co valihozwele umo na mukwavo ngwavo, “Munu wakufwa vatijo ou? Uje nameme lihunzi na mankimba vimwononoka!”

Luka 8:25 Iomraidhean Croise

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Visimo 8:29

yange kunjakele omo watwile nginga ya mema a kalunga, ngeci mema a kalunga amwononokele. Yange kunjakele omo wajalele luvula lwa kaye.

Mateo 14:31

Yesu wolwele livoko lyendi wamukwatele, wamulekele ngwendi, “Yove muka-kukulaela kwakundondo! Vikajo walingila vimata?”

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mateo 6:30

Oloni nga Njambi azika mwila wa mu shwata uje ukalako lelo lika, oloni imene waiko, vaumbila mu liko nakuwenyeka, kuma kasa kumizika ndi? Yeni vaka-kukulaela kwakundondo!

Mateo 8:10

Omo wazivile evi, Yesu walikomokelele, co wendekele kuli vanu vaje vamukavele ngwendi, “Mwa vushunga njimileka ngwange, nameme mu lifuti lya Isalele, kumwesi muka-kukulaela wangacije.

Mateo 8:26

Co Yesu wavakumbulwile ngwendi, “Omwo vikajo muli na lyova lyangacije, yeni vaka-kukulaela kwakundondo?” Asinoni wakatukile wolwesele lihunzi na mankimba, co kwalendamene kuluu.

Mako 4:35

A litangwa lije vene ku cingwezi Yesu wendekele kuli vandongisi vendi ngwendi, “Tujavukeni tuye musambwa ya lishali.”

Luka 12:28

Oloni nga Njambi azika mwila wa mu shwata uje ukalako lelo lika, oloni imene waiko, vaumbila mu liko nakuwenyeka, co kuma kasa kumizika ndi? Yeni vaka-kukulaela kwakundondo!

Luka 8:24

Co vandongisi vaile kuli Yesu nakumwindula ngwavo, “Shukulu, Shukulu! Tushaka kutsa!” Co Yesu wakatukile washikile lihunzi na mankimba, co lihunzi na mankimba vyalendamene, co kwolokele kuluu.

Luka 8:26

Yesu na vandongisi vendi vajavukile vetele ku lifuti lya Ngelasa, musambwa ya Lishali lya Ngalileya.

Yowano 11:40

Yesu wendekele kuli ikeye ngwendi, “Kuma kunjakulekele ngwange nga ukulaela ukamona vumpau vwa Njambi ndi?”