Luka 8:24 - Livulu lya Shukulu Kalunga

²⁴ Co vandongisi vaile kuli Yesu nakumwindula ngwavo, “Shukulu, Shukulu! Tushaka kutsa!” Co Yesu wakatukile washikile lihunzi na mankimba, co lihunzi na mankimba vyalendamene, co kwolokele kuluu.

Luka 8:24 Iomraidhean Croise

Myaso 65:7

Yove ukolwesa kukuma kwa mema a kalunga, na muyoyo wa mankimba, ukwolwesa lalo muyoyo wa vanu.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Nahumi 1:4

Ashika mema a kalunga, co auma cau! Alingisa vindonga ngeci viwume cau. Na vulilo vwa Mbashane vuuma cau, Munkinda wa Kalemele uvenguluka, na vishani vya Munkinda wa Lembanone vijujwama.

Mateo 14:30

Oloni omo wazivile lihunzi nakumona mankimba, wazivile lyova, co washangumukile kumbwitama, watambekele ngwendi, “Mwene, njovole!”

Mateo 8:25

Vandongisi vendi vaile kuli ikeye nakumwindula ngwavo, “Twovole Mwene. Tushaka kutsa.”

Mako 4:39

Co Yesu wemanene washikile lihunzi ngwendi, “Oloka kuluu!” Co lalo washikile mankimba ngwendi, “Kukale kulendama kuluu!” Co lihunzi lyemanene, co kwolokele kuluu.

Luka 4:35

Asinoni Yesu washikile uje munzinzime ngwendi, “Oloka kuluu, tunda muli munu ou!” Co uje munzinzime wawisilile uje munalume asi ku mesho avo voshe, co watundile muli ikeye kujeneka kumuvulumuna.

Luka 4:39

Yesu waile wemanene kuyehi na vulili vwendi washikile lije lisika-sika ngeci limutunde. Co lisika-sika lyamutundile, washangumukile kuvapangela.

Luka 5:5

Simoni wamukumbulwile ngwendi, “Shukulu tunaundangana vutsiki vwoshe oloni nakamo tunakwata kai. Oloni omo unendekamo, co tuta manimbwa.”

Luka 8:25

Asinoni wendekele kuli vandongisi ngwendi, “Kukulaela kweni kuli kulijo?” Oloni vakevo valikomokelele nakuziva lyova, co valihozwele umo na mukwavo ngwavo, “Munu wakufwa vatijo ou? Uje nameme lihunzi na mankimba vimwononoka!”