Luka 8:21 - Livulu lya Shukulu Kalunga

²¹ Yesu wendekele kuli vakevo voshe ngwendi, “Vanana na vandolome vange vanapu vaje vaziva lijwi lya Njambi nakulyononoka.”

Luka 8:21 Iomraidhean Croise

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 25:45

Asinoni akavakumbulula ngwendi, ‘Mwa vushunga njimileka ngwange, omo kumwacilingile kuli umo wa ava vavandondo, kumwacilingile kuli yange.’

Mateo 28:10

Asinoni Yesu wendekele ngwendi, “Kesi muzive lyova. Yeni mukaleke vandolome vange vakaye ku Ngalileya, kukekwo vakanjimwena.”

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Luka 8:20

Munu umo wendekele kuli Yesu ngwendi, “Vanyoko na vandolome vove vanemana anja, vashaka kukumona.”

Yowano 13:17

Nga mwazivuka vyuma evi, mukavezika nga mukavilinga!

Yowano 20:17

Yesu wamulekele ngwendi, “Kesi unjikwate, omwo kanda njilonde kwilu kuli Tate. Oloni ya kuli vasamba vange ukavaleke ngwove njilinakwiluka kuli Tate ikeye Ishavo, kuli Njambi yange ikeye Njambi yavo.”

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Yakomba 1:22

Kesi mulikwise yeni vavenya mukupwa vaka-kuziva lijwi lyendi lika, oloni pweni vaka-kulipangesa.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.