Luka 8:16 - Livulu lya Shukulu Kalunga

¹⁶ “Naumo wai ashwameka ndeya, co ayaka mwisi ya lyendeko nambe mwisi ya vulili. Oloni ayaka a citumbikilo ca vindeya, ngeci vaje vakovela mu njuvo vamone ceke.

Luka 8:16 Iomraidhean Croise

Luka 11:33

“Naumo wai ashwameka ndeya, co a ishweka, nambe ayaka mwisi ya lyendeko, oloni ayaka a citumbikilo ca vindeya, ngeci vaje vakovela mu njuvo vamone ceke.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 11:4

Vaje vakaleo vavali vanapu miti ivali ije ya olive na vindeye vivali vije vinemana ku mesho a Mwene wa asi.