Luka 7:7 - Livulu lya Shukulu Kalunga

⁷ Nameme ikeye kapandele kwija kuli yove. Oloni endeka lika na lijwi, co ngamba yendi akakanguka.

Luka 7:7 Iomraidhean Croise

Myaso 107:20

Wavakangwisile na lijwi lyendi lya nzili, nakuvamena kukunyonga.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Mako 1:27

Co vanu voshe valikomokelele manene vashangumukile kulyendekesa umo na mukwavo ngwavo, “Vika evi? Oku kunapu kulongesa kwakuhwa ndi? Munu ou ali na moko yakushika minzinzime yakujwala, co ikeyo imwononoka!”

Luka 4:36

Vanu voshe valikomokelele manene vashangumukile kulyendekesa umo na mukwavo ngwavo, “Majwi muka awa? Munu ou ali na moko yakushika minzinzime yakujwala, co ilinakutunda!”

Luka 5:13

Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Luka 7:6

Ngecivene, Yesu waile navo. Co omo wetele kuyehi na njuvo uje mukulunu wa mashwalale watumine vasamba vendi kuli Yesu nakumuleka ngwavo, “Shukulu, kesi ulipese omwo kucapandele yove ukakovele mu njuvo yendi.

Luka 7:8

Omwo nendi ali mwisi ya moko ya vamyata vendi, co nendi lalo mashwalale vali mwisi yendi. Ashika umo ngwendi, ‘Ya!’ Co aya, co lalo ashika mukwavo ngwendi, ‘Ija!’ Co aija, co ashika ndungo yendi ngwendi, ‘Linga evi!’ Co alinga.”

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

1 Samwele 2:6

“Shukulu Kalunga atsiya, co ayoyesa, ikeye atwala vanu ku vukalo vwa vatsi, co avelwisa lalo.