Luka 7:40 - Livulu lya Shukulu Kalunga

⁴⁰ Yesu wendekekele kuli ikeye ngwendi, “Simoni, njishaka kukuleka vimo.” Co wamukumbulwile ngwendi, “Eyo, Mulongisi njileke.”

Luka 7:40 Iomraidhean Croise

1 Vimyene 2:14

Co wendekele lalo ngwendi, “Njili na cuma cimo cakwendeka nove.” Co Mbateshemba ngwendi, “Cuma mukajo?”

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Mateo 26:49

Co Yundasa wetele washungamene vene ali Yesu, co wendekele kuli Yesu ngwendi, “Kwoloka kukale neni Mulongisi,” co wamutsembele.

Mateo 7:22

A Litangwa Lyakusompa, vavangi vakendeka kuli yange ngwavo, ‘Mwene, Mwene! Mu lizina lyove twambulwile muzimbu wa Njambi, co lalo mu lizina lyove twatundisile minzinzime yakujwala, co lalo mu lizina lyove twalingile vizivukiso vyavingi!’

Luka 18:18

Co umo ntwama wa vaYunda wehwile Yesu ngwendi, “Mulongisi wamuvwa, vika njinapande kulinga ngeci njitambule mwonyo wa myaka yoshe?”

Luka 5:22

Yesu wazivukile viyongola vyavo, co wendekele kuli vakevo ngwendi, “Vikajo mulinakuyongwela vyuma vyangacije?

Luka 5:31

Yesu wavakumbulwile ngwendi, “Vakangule kuvesi kusetela cimbanda embwe, kuvanga vaka-kuvinja lika.

Luka 6:8

Oloni Yesu wazivukile viyongola vyavo, co wendekele kuli uje munalume wakusekwa livoko ngwendi, “Katuka wije kuno kulutwe.” Co uje munalume wakatukile wemanene kuje.

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Luka 7:41

Yesu wamulekele ngwendi, “Kwakele vanalume vavali vakumwine vimbongo kuli muka-kukumwisa. Umo wakumwine vimbongo vya siliva vyakupwa 500, mukwavo lalo wakumwine vimbongo vya siliva makumi atanu.

Yowano 13:13

Munjitumbula ngweni Mulongisi na Mwene, co mucinapande vene kunjitumbula ngacije, omwo omu mukemwo vene munjapwa.

Yowano 16:19

Yesu wazivukile ngeci vashakele kumwihula, ngecivene, wendekele kuli vakevo ngwendi, “Njinendekele ngwange, ‘Mu kasimbu kakandondo lika kumukanjimono lalo, co mu kasimbu kakandondo lalo mukanjimona.’ Evi vikevyo mulinakulihozola akati keni ndi?

Yowano 16:30

Twazivuka ngeci yove uzivuka vyuma vyoshe, co naumo wai napande akwihule vihula. Eci citulingisa ngeci tukulaele ngwetu yove watundile kuli Njambi.”

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”