Luka 7:39 - Livulu lya Shukulu Kalunga

³⁹ Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Luka 7:39 Iomraidhean Croise

2 Vimyene 5:20

co Ngehazi ngamba ya Elisha walyendekesele mu mbunge yendi ngwendi, “Shukulu yange necelela Namane kuya ngoco kujeneka kufweta cuma cimo! Napandele kutambula vije vyanamwanene uje kaSilya. Ali Shukulu Kalunga wakuyoya, yange njimukava kangongo-nima ngeci njikatambule cuma cimo kuli ikeye!”

Visimo 23:7

Nambe akuleka ngwendi, “Lya vyakulya vyavingi.” Oloni kesi mukemwo mwalinakuyongola mu mbunge yendi.

Isaya 65:5

Co vendeka kuli vakwavo ngwavo, ‘Tushondolokeni, kesi mutushwenye, yetu twalikundika kuli Njambi!’ Kunjasa kumbako mbunge ku vanu va cifwa cangacije, vukalu vwange ali vakevo vunapu ngwe tuhya twa kuzima.

Mateo 20:16

Co Yesu wamanesele kwendeka ngwendi, “Ngecivene, vaka-kulivanga vakapwa vaka-kukotokela, co vaka-kukotokela vakapwa vaka-kulivanga.”

Mateo 21:11

Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Luka 12:17

Co wayongwele mu mbunge yendi ngwendi, ‘Kunjesi noku kwakutulikila vimbuto vyange vyoshe. Vati njilinga?’

Luka 15:2

vaFaliseo na valongisi va majwi a Lishiko vangungutile ngwavo, “Ou munalume akatambula vaka-vuvi nakulya navo.”

Luka 16:3

Cooni uje katumwa waliyongwele mu mbunge yendi ngwendi, ‘Ou shukulu yange anjitundisa ku vipangi vyange. Vationi njilinga? Yange kunjesi na nzili yakulima, co lalo njikazivi shwamwa yakulomba-lomba.

Luka 18:4

Ku simbu yakama uje lyaako katavele, oloni akukotoka wayongwele mu mbunge yendi ngwendi, ‘Nambe kunjesi kukomoka Njambi nambe kunjesi kusingimika munu,

Luka 3:8

Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 7:16

Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Luka 7:37

Co munakazi umo wamuje mu nganda, wapwile muka-vuvi. Omo wazivile ngwavo Yesu ali mu njuvo ya uje kaFaliseo nakulya, co wambatele lilulu lyakushula lya mazi a seo,

Luka 7:38

wemanene kunima ya Yesu, ku myanja yendi nakulila, nakujulisa myanja ya Yesu na misozi. Co wasikumwine myanja ya Yesu na vin̄ambu vyendi, waitsembele, co waivwavesele na mazi aje.

Luka 7:40

Yesu wendekekele kuli ikeye ngwendi, “Simoni, njishaka kukuleka vimo.” Co wamukumbulwile ngwendi, “Eyo, Mulongisi njileke.”

Yowano 4:19

Munakazi wendekele kuli ikeye ngwendi. “Mwene, njinazivuka ngwange yove u muka-kwimanena.

Yowano 7:12

Co kuje kwakele kungunguta ali ikeye mu mbunga ije, vamo vanu vendekele ngwavo, “Napu munu wamuvwa.” Co veka lalo ngwavo, “Embwe, alinakutangula vanu.”

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”