Luka 7:38 - Livulu lya Shukulu Kalunga

³⁸ wemanene kunima ya Yesu, ku myanja yendi nakulila, nakujulisa myanja ya Yesu na misozi. Co wasikumwine myanja ya Yesu na vin̄ambu vyendi, waitsembele, co waivwavesele na mazi aje.

Luka 7:38 Iomraidhean Croise

Kushangumuka 18:4

Njiminenela mema akujwela ku mendi, munapande kuhwimako kamandondo mwisi ya muti ou.

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Myaso 38:18

Njilitavela vuvi vwange, vukevwo vulinakunjizivisa shwamwa.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Muka-kwambulula 9:8

Simbu yoshe zala vuzalo vwavuvwa nakuvwava mazi ku mutwe wove.

Myaso ya Solomoni 1:3

Mazi ove akuvwava anika lwengo lwaluvwa, lizina lyove linapu ngwe mazi akunika lwengo lwaluvwa. Mukemwo vambanda vakuzema.

Isaya 57:9

Mukavwava mazi amavwa akunika lwengo, co muya nakulemesa njambi Moleki. Muya nakushakezeka vinjambi ngeci muvalemese, mutuma tunganda noku-noku, nameme ku vukalo vwa vatsi.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 5:4

“Vanavezika vaje valinakulila, omwo Njambi akavazembeleka!

Luka 22:62

Co Petulu watuukile anja walilile manene.

Luka 6:21

“Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Luka 7:37

Co munakazi umo wamuje mu nganda, wapwile muka-vuvi. Omo wazivile ngwavo Yesu ali mu njuvo ya uje kaFaliseo nakulya, co wambatele lilulu lyakushula lya mazi a seo,

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Yowano 11:2

(Ou Maliya ikeye uje wavwavesele mendi a Mwene na mazi akunika lwengo lwaluvwa, co wasikumwineko na vin̄ambu vyendi, ikeye vene wakele na ndolome yendi Lazalu uje wavinjile.)

Yakomba 4:9

Pweni vaka-kuviilila, tambekeni, lileni, tengulukeni kujolela kweni kupwe kulila, kujolela kweni kupwe kulisimoka!