Luka 7:37 - Livulu lya Shukulu Kalunga

³⁷ Co munakazi umo wamuje mu nganda, wapwile muka-vuvi. Omo wazivile ngwavo Yesu ali mu njuvo ya uje kaFaliseo nakulya, co wambatele lilulu lyakushula lya mazi a seo,

Luka 7:37 Iomraidhean Croise

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 5:30

VaFaliseo vamo na valongisi va majwi a Lishiko vaje vakundamene ku munga yavo valinyengelele kuli vandongisi va Yesu. Vehwile ngwavo, “Omwo vikajo mulya nakunwa amo na vaka-kutambula lisimu na vaka-vuvi?”

Luka 5:32

Omwo yange kunjezile mukusana vanu vaje vanalimono vakevo vavenya ngwavo vaka-vushunga ngeci vatenguluke, oloni vanu vaje vaka-vuvi.”

Luka 7:34

Omo Muna Munu wezile, ikeye walile nakunwa, co mwendekele ngweni, ‘Kengeni ou munalume! Watsa akulya na akunwa vinyu, co musamba wa vaka-kutambula lisimu na vaka-vuvi!’

Luka 7:36

KaFaliseo umo walanyele Yesu ngeci akalye nendi, co Yesu waile ku njuvo yendi watumbamene nakulya.

Yowano 11:2

(Ou Maliya ikeye uje wavwavesele mendi a Mwene na mazi akunika lwengo lwaluvwa, co wasikumwineko na vin̄ambu vyendi, ikeye vene wakele na ndolome yendi Lazalu uje wavinjile.)

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”

Yowano 9:31

Tuzivuka ngwetu Njambi kesi kutolilila ku vaka-vuvi, oloni akatolilila lika kuli vaje vamusingimika nakulinga vije vyashaka ngeci vavilinge.

Loma 5:8

Oloni Njambi nasholola cizemo cendi cakama kuli yetu, omo a simbu ije twapwile tu vaka-vuvi Kilistu watutsililile!

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

1 Timateo 1:9

Mwa vushunga vene, tunapande kwanuka ngwetu, mashiko vawapangele, kesi ku vanu vavavwa embwe, oloni kuli vipapoki na kuli vaka-kuvulumuna na kuli vaje kuvalemesa Njambi na vaka-kulinga vuvi na kuli vaje kuvesi kulinga vushunga nambe kuli vaka-kujwala na kuli vanu vaje vaka-kutsiya vaishavo nambe vainavo, na kuli vaka-kutsiya vanu

1 Petulu 4:18

Ngwe muvyendeka visoneka ngwavyo, “Nga cinapu cacikalu kuli vaka-vushunga kwovoka, co cikapwa vatijo kuli vaka-kushaula na vaka-vuvi?”