Luka 7:2 - Livulu lya Shukulu Kalunga

² Mukulunu wa mashwalale va Loma wakele kuje wakele na ngamba yendi yazemene manene, co uje munu wavinjile washakele kutsa.

Luka 7:2 Iomraidhean Croise

Kushangumuka 24:27

Wendekele ngwendi, “Shangazaleni Shukulu Kalunga, Njambi ya shukulu yange Avilahama, uje wanyunga cikulaeso cendi cije kucesi kutenguluka, kuli shukulu yange Avilahama. Shukulu Kalunga nanjitwamenena vushunga-shunga kuli vavushoko vwa shukulu yange.”

Kushangumuka 35:8

Ndembola mukwasi wa Lembeka watsile. Vamutsindile mwisi ya muti wa oke wakuhwimina ku mutambela wa mu mbwela ku Mbetele. Co uje muti vaulukile lizina lya “Oke Wakulilila.”

Yombi 31:5

“Njilisinga ngeci kanda njilinge vuvi, co lalo kanda njeseke kukwisa vakwetu.

Visimo 29:21

Nga wana ngamba yove vyuma vyoshe vyashaka kutunda ku vwanike vwendi nakweta ku vukulunu vwendi, co litangwa limo akashwana vyuma vyoshe vije unafuku.

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Luka 23:47

Co mukulunu wa mashwalale wamwene vije vyalingiwile, washangazalele Njambi wendekele ngwendi, “Mwa vushunga munalume ou wapwile muka-vushunga!”

Luka 7:1

Omo Yesu wamanesele kwendeka vyuma vyoshe evi kuli vanu, co waile ku Kapenauma.

Luka 7:3

Omo uje mukulunu wazivile lutsimo lwa Yesu, watumine vamo vakulunu va vaYunda kuli ikeye nakumulomba aije nakukangwisa ngamba yendi.

Luka 8:42

omwo munendi umolika wa munakazi, wakele na myaka likumi na ivali, washakele kutsa. Omo Yesu wakele nakuya, co vanu vamuzengelekele noku-noku.

Vilinga vya Miluwa 10:1

Kwakele munalume umo mu Sesaliya lizina lyendi Konelyasi uje wapwile ntwama wa mashwalale va Loma vavatumbwile ngwavo, “Mashwalale va Itali.”

Vilinga vya Miluwa 10:7

Asinoni uje kangelo waile, co Konelyasi wasanene vangamba vavali va mu njuvo yendi na lishwalale. Lishwalale uje wapwile umo wa vaka-kumupangela. Wapwile wa kulongwa.

Vilinga vya Miluwa 22:26

Omo uje mukulunu wazivile evi, waile kuli uje muka-kushika mashwalale wamwihwile ngwendi, “Ushaka kulinga vika? Ou munalume napu mundambo wa mu lifuti lya Loma!”

Vilinga vya Miluwa 23:17

Asinoni Paulu wasanene umo wa vaje vamyata wendekele kuli ikeye ngwendi, “Twaleni ou mukwenje kuli muka-kushika mashwalale, alinavimo ashaka kumuleka.”

Vilinga vya Miluwa 27:1

Co omo vaciyongwele ngwavo tunapande kuya mu vwato ku Itali, vaanene Paulu na vamo vinzinda ku mavoko a Njulyasi mukulunu wa mbunga ya mashwalale va vaLoma ije vatumbwile ngwavo “Mashwalale va Nguvulu.”

Vilinga vya Miluwa 27:3

Alikaki twetele ku Sindone. Co Njulyasi wakele na ngozi na Paulu, co wamutavele ngeci akamone vasamba vendi, ngeci vakamukwase vije vyajenekele.

Vilinga vya Miluwa 27:43

Oloni uje mukulunu wa mashwalale washakele kwamena Paulu, ngecivene, wavavindikile kulinga cuma eci. Oloni washikile vaje voshe vasele kujwela valivange kujombokela mu mema ngeci vaye ku nunda,

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.