Luka 7:19 - Livulu lya Shukulu Kalunga

¹⁹ wavatumine kuli Mwene nakumwihula ngwavo, “Yove vene uje yatumbwile Yowano ngwendi akaija, indi tuvandamene weka lalo?”

Luka 7:19 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Isaya 11:1

Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Hangai 2:7

Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mako 6:7

Co wasanene vandongisi likumi na vavali vaije kuli ikeye, co wavatumine vavali, vavali. Co wavanene moko yakutundisa minzinzime yakujwala,

Luka 10:1

Munima ya vyuma evi Mwene waangwile lalo vanalume veka makumi atanu na avali na vanu vavali nakuvatuma vavali vavali kulutwe lwendi, ku vinganda vyoshe na ku mitambela yoshe kuje kwashakele kuya ikeye vavenya.

Luka 11:1

Litangwa limo Yesu wakele nakulombela ku mutambela umo. Co omo wamanesele umo wa vandongisi vendi wendekele kuli ikeye ngwendi, “Mwene, tulongese kulombela, ngwe omo Yowano walongesele vandongisi vendi.”

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 13:15

Oloni Mwene wamukumbulwile ngwendi, “Eni vaka-civembulu! Kuma munu kesi kuzitula ngombe yendi mu licakana nambe cimulu cendi nakumutwala ku mema a Litangwa Lyakuhwima ndi?

Luka 17:5

Co miluwa vendekele kuli Mwene ngwavo, “Wezelela kukulaela kwetu.”

Luka 17:6

Mwene wavakumbulwile ngwendi, “Nga mwakele nakukulaela kwakama ngwe mbuto ya musalata, ngwe mwasa kwendeka ku muti ou wa mukuyu ngweni, ‘Tukuka ukashimbame mu mema a kalunga!’ Co ukewo umyononoka.

Luka 18:6

Co Mwene watwaleleo ngwendi, “Tolilileni vije vyendekele uje lyaako wakujeneka vushunga!

Luka 19:8

Co Sangeo wemanene nakwendeka kuli Mwene ngwendi, “Tolilila Shukulu, njikana litambelo lya vufuko vwange kuli tuutu, nga njatambwile cimo kuli umo mu ngila ya makuli, co njikamufweta visimbu viwana.”

Luka 22:61

Co Mwene watengulukile wakengele kuli Petulu, co Petulu wanukile ngeci Mwene wamulekele ngwendi, “Simbu ndemba kanda atambeke vutsiki vuno vene, ukanjivyana visimbu vitatu ngwove kuunjizivuka.”

Luka 24:34

vendekele ngwavo, “Mwa vushunga vene Mwene nasanguka! Nalisholola kuli Simoni!”

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Luka 7:20

Omo vetele kuli Yesu, vendekele ngwavo, “Yowano Muka-kumbwitika natutumu kuli yove nakukwihula nga yove vene uje yatumbwile ngwendi akaija indi tucivandamene weka lalo.”

Yowano 11:2

(Ou Maliya ikeye uje wavwavesele mendi a Mwene na mazi akunika lwengo lwaluvwa, co wasikumwineko na vin̄ambu vyendi, ikeye vene wakele na ndolome yendi Lazalu uje wavinjile.)

Yowano 4:1

VaFaliseo vazivile ngeci Yesu alinakuwana nakumbwitika vandongisi vavangi kutuvakana Yowano.

Yowano 4:25

Munakazi wendekele kuli ikeye ngwendi, “Njazivuka ngwange Wakuvwavesa alinakwija, co omo naija, akatuleka vyuma vyoshe.”

Yowano 6:23

Ngecivene, mato eka aje atundile ku Timbelyase, ezile ku cikuma ca kuyehi na mutambela kuje kwakele mbunga ya vaje valile makende omo Mwene wakandelelele kuli Njambi.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”