Luka 7:17 - Livulu lya Shukulu Kalunga

¹⁷ Co lutsimo olu lwa Yesu lwashandokelele mu Yundeya mwoshe na ku mafuti oshe a kulyata.

Luka 7:17 Iomraidhean Croise

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Mateo 9:26

Co lutsimo olu lwashandokelele mu mitambela ya lifuti lyoshe.

Mateo 9:31

Oloni omo vaile vashandwele vije vyavasin̄ikile Yesu mu mutambela woshe wa lifuti lije.

Mako 1:28

Co aje vene lutsimo lwa Yesu lwashandokelele mu lifuti lya Ngalileya mwoshe.

Mako 6:14

Mwene Helonde wazivile evi vyoshe, omwo lutsimo lwa Yesu lwaile kwoshe-ikwoshe. Vanu vamo vakele nakwendeka ngwavo, “Yowano Muka-kumbwitika nasanguka ku vatsi! Mukemwo ali na nzili yakama yakulinga vizivukiso.”

Luka 4:14

Yesu welukile ku Ngalileya, co nzili ya Munzinzime Wakujela yakele muli ikeye. Co muzimbu ou washandokelele mu lifuti mwoshe.

Luka 7:14

Asinoni Yesu waile wakakwatele ku vwango, co vaje tufunde vemanene. Yesu wendekele ngwendi, “Ove mukwenje! Njikuleka ngwange induka!”