Luka 7:16 - Livulu lya Shukulu Kalunga

¹⁶ Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Luka 7:16 Iomraidhean Croise

Myaso 65:9

Ukanyungu lifuti akulitumina nyonzi, co wakamo vwilo. Ukashulisa vana va vindonga na mema, nakumenesa vimbuto asi. Omu mukemwo muukalingi.

Kutuuka 4:31

Co vanu vakulaelele, omo vazivile ngeci Shukulu Kalunga nezile kuli vakevo nakumona tuyando twavo muvalina kuvapangesela na muuka, co vatsikamene a mavuli nakulemesa.

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Mateo 15:31

Ngecivene, vije vimbunga valikomokelele omwo vamwene tuveveve valinakwendeka, na vaka-kusekwa mendi na mavoko valimwamuvwa, na vilema valinakwenda, co na tupuputwa vamona, co valemesele Njambi wa Isalele.

Mateo 21:11

Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”

Mateo 28:8

Ngecivene, vwasi-vwasi vatundile ku mbumbo na lyova nakuvwaelela kwakama, co vashatukile nakukaleka vandongisi vendi.

Mateo 9:8

Omo vanu vacimwene, vakele na lyova, co vashangazalele Njambi uje waanene vanu moko yakufwa ngacije.

Luka 1:65

Vandambo voshe vakele na lyova, co muzimbu wa vyuma evi washandokelele mu lifuti lyoshe lya minkinda mu Yundeya.

Luka 1:68

“Tushangazaleni Shukulu Kalunga Njambi ya Isalele! Naija nakukwasa vanu vendi nakuvapatula.

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”

Luka 2:20

Co tunyungi velukile nakulemesa nakushangazala Njambi a vyuma vyoshe vazivile, na vije vamwene, vyalingiwile ngwe vene muje mwavalekele kangelo.

Luka 24:19

Co wavehwile ngwendi, “Vyuma muka?” Vamukumbulwile ngwavo, “Vya ali Yesu wa ku Nazaleta. Munalume ou wapwile muka-kwimanena, co Njambi na vanu voshe vamuyongwele kupwa muka-nzili mu vyuma vyoshe wendekele na vije vyalingile.

Luka 5:26

Co voshe valikomokelele manene! Vazivile lyova, vashangazalele Njambi vendekele ngwavo, “Lelo tunamono vyuma vyakukomokesa!”

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Luka 7:15

Co uje munalume watsile watumbamene washangumukile kwendeka, co Yesu wamwanene kuli vaina.

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Luka 9:19

Vamukumbulwile ngwavo, “Vamo valinakwendeka ngwavo yove Yowano Muka-kumbwitika, veka lalo ngwavo yove Elinja, vakwavo lalo ngwavo yove umo wa vaka-kwimanena valaja uje nasanguka.”

Yowano 1:21

Co vamwihwile ngwavo, “Indi yove iyajo? Yove Elinja ndi?” Oloni Yowano wavakumbulwile ngwendi, “Embwe, kesi yange!” Co vamwihwile lalo ngwavo, “Indi yove Muka-kwimanena ndi?” Oloni Yowano wavakumbulwile ngwendi, “Embwe, kesi yange.”

Yowano 1:25

asinoni vehwile Yowano ngwavo, “Nga kesi yove Wakuvwavesa, nambe Elinja, nambe Muka-kwimanena, omwo vika ulinakumbatizila?”

Yowano 4:19

Munakazi wendekele kuli ikeye ngwendi. “Mwene, njinazivuka ngwange yove u muka-kwimanena.

Yowano 6:14

Omo vanu vakele kuje vamwene cikomokeso eci calingile Yesu, vendekele ngwavo, “Mwa vushunga ou ikeye Muka-kwimanena uje naija ano a kaye!”

Yowano 9:17

Ngecivene, vaFaliseo vehwile lalo uje munalume ngwavo, “Umutumbula vatijo omo natonesa mesho ove?” Wakumbulwile ngwendi, “Napu muka-kwimanena.”

Vilinga vya Miluwa 5:5

Aje vene omo Ananiya wazivile majwi awa, wawililile asi watsile, co voshe vacizivile vakele na lyova.

Vilinga vya Miluwa 7:37

Ou ikeye Mosesa uje walekele vanu va Isalele ngwendi, ‘Njambi akamitumina muka-kwimanena ngwe mwatumine yange, co akatunda akati keni vavenya.’

Ngalatiya 1:24

Co vashangazalele Njambi omwo yange.

Kwituluka mu Mashiko 18:15

Shukulu Kalunga Njambi yeni akamitumina muka-kwimanena ngwe yange wakutunda akati keni vavenya, co mukamwononoka.