Luka 7:12 - Livulu lya Shukulu Kalunga

¹² Omo ikeye wetele kuyehi na cikolo ca nganda, co tufunde vatuwile civimbi anja. Uje munalume watsile wapwile mwana umolika waumo fwile, co mbunga yakama vatundile muje mu limbo vakele amo nendi.

Luka 7:12 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

2 Samwele 14:7

Co ololo, mwane vavushoko vwange voshe vananjitengulukila, vashaka njivaane munange, ngeci vamutsiye omwo ikeye natsiile shongo yendi. Nga vamutsiya, co njikasala livoko mu mukoshi njikajeneka mwana wakushwana lizina lya munalume wange.”

1 Vimyene 17:12

Co uje fwile wamukumbulwile ngwendi, “Njilisinga mu lizina lya Shukulu Kalunga Njambi yove wakuyoya kunjesi na likende lyai, njili lika na kavunga ka tiliku kakandondo kali mu lilonga, na tumazi twatundondo twa olive tuli mu njava. Njinaija kuno mukucava vitale ngeci njiye navyo ku njuvo tukateleke tuje twatundondo njilinatwo nange na munange. Vikevyo vyakulya vyetu vya mamaneselelo, asinoni tukakala na njala, co tukalanduke.”

1 Vimyene 17:18

Uje fwile wendekele kuli Elinja ngwendi, “Yove munu wa Njambi, omwo vikajo unalingila eci kuli yange? Kuma yove unaija kuno mukwanukisa Njambi a vuvi vwange ngeci munange atse?”

1 Vimyene 17:23

Elinja washelumwisile mwanike kuli vaina, wendekele ngwendi, “Kenga, munove alinakuyoya!”

1 Vimyene 17:9

“Ololo ya ku limbo lya Zalefate, kuyehi na Sindone, ukakaleko. Omwo njinashiki fwile wa munakazi uje wakala kuje kukulisa.”

2 Vimyene 4:16

co Elisha wamulekele ngwendi, “Mungolosika a simbu ino vene ukakala na mwana wa munalume.” Co ikeye wakomokele ngwendi, “Embwe, shukulu, kesi unjikwise. Yove unapu u munu wa Njambi!”

2 Vimyene 4:20

Co uje ngamba welwisile mwanike kuli vaina, vaina vamukwatele nakumwaka a mendi noo ku mutanya, co kweta ku simbu ije vene watsile.

Yombi 29:13

Co vanu vaje vakele mu vukalu vwakama, vanjishangazalele, co njakwasele vifwile kukala mwamuvwa.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Luka 7:11

Munima yevi Yesu waile ku nganda ya Naine, vandongisi vendi na mbunga yakama vamukavele.

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Luka 8:42

omwo munendi umolika wa munakazi, wakele na myaka likumi na ivali, washakele kutsa. Omo Yesu wakele nakuya, co vanu vamuzengelekele noku-noku.

Luka 8:52

Vanu voshe kuje valilile nakulinyenga ali uje mwanike. Co Yesu wendekele kuli vakevo ngwendi, “Kesi mulile, ou mwanike katsile embwe, oloni nalala lika tulo!”

Yowano 11:19

co vaYunda vavangi vezile nakumona Mata na Maliya nakuvazembeleka a kutsa kwa ndolome yavo.

Vilinga vya Miluwa 9:39

Ngecivene, Petulu wakatukile waile navo. Omo wetele vamutwalele ku mulili wa akamwa kuje vifwile voshe vamuzengelekele nakulila nakumumwesa vimbinja na vikoveyo vije vyalingile Ndokasi a simbu wakele nakuyoya.

Vilinga vya Miluwa 9:41

Co Petulu wamushwenyele nakumukwata ku livoko nakumwindula. Asinoni wasanene vaka-kukulaela voshe na vaje vifwile, co wavaneneye oku alinakuyoya.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.