Luka 6:7 - Livulu lya Shukulu Kalunga

⁷ Co valongisi va majwi a Lishiko na vaFaliseo vamo vashakele kashwilo ali Yesu ngeci vamuwaneneo mulonga, ngecivene, vamukengele shwii muyehi-yehi ngeci vamone nga ikeye akangwisa uje munu a Litangwa Lyakuhwima.

Luka 6:7 Iomraidhean Croise

Myaso 38:12

Vaje vashaka kunjitsiya vananjitela myeto kulutwe lwange, vaje vashaka kunjivulumuna vashungwiya kunjinyongesa, co litangwa lyoshe vatumba vutumbe vwakunjilwisa.

Isaya 29:21

Njambi akanyongesa vaka-kufweya vakwavo, na vaje vavindika mapwepwe kesi vawane milonga, na vaje vendeka makuli mukuvindika vaka-kulongwa kuwana vushunga.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Mateo 5:39

Oloni yange njimileka ngwange, kesi ulinge shambandinga kuli munu uje akulinga mwamuvi. Oloni nga munu akupupa ku nana yove ya ku cilyo, mutengulwile lalo ku nana ya ku cimoshwe.

Mako 3:2

Co kuje kwakele vanu vamo vashakele kashwilo ali Yesu ngeci vamuwaneneo mulonga, ngecivene, vamukengele shwii ngeci vamone nga ikeye akangwisa uje munu a Litangwa Lyakuhwima.

Luka 13:14

Co mukulunu wa mu sinangonge waluvalele omwo Yesu wakangwisile munu a Litangwa Lyakuhwima, co wendekele nakuleka vanu ngwendi, “Kuli matangwa atanu na limo aje tunapande kupanga vipangi, ngecivene, munapande kwija mu matangwa aje ngeci vamikangwise, kesi mukaije a Litangwa Lyakuhwima, embwe!”

Luka 20:20

Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

Yowano 9:16

VaFaliseo vamo vendekele ngwavo, “Munu ou nalingi eci katundile kuli Njambi, omwo kononokele Litangwa Lyakuhwima.” Oloni vamo ngwavo, “Muka-vuvi asa kulinga vati vizivukiso ngeci evi?” Co valipangele akati kavo.