Luka 6:42 - Livulu lya Shukulu Kalunga

⁴² Nambe vatijo wendeka na mukweni ngwove, ‘Mukwetu, tewa njikutundise kacishoni kali a lisho lyove,’ omo yove uli na mukambo mu lisho lyove? Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Luka 6:42 Iomraidhean Croise

Visimo 18:17

N̄anda ya munu wakulivanga kwendeka mu mbanja, simbu yoshe yapwa ngwe ya vushunga kuvanga noo muka-kumulwisa naija nakumwihula vihula.

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Mateo 7:3

Omwo vikajo umona kacishoni kali a lisho lya mukweni, oloni kuuyongola mukambo uli mu lisho lyove?

Mateo 7:4

Nambe vatijo wendeka na mukweni ngwove, ‘Tewa njikutundise kacishoni kali a lisho lyove,’ omo yove uli na mukambo mu lisho lyove?

Luka 13:15

Oloni Mwene wamukumbulwile ngwendi, “Eni vaka-civembulu! Kuma munu kesi kuzitula ngombe yendi mu licakana nambe cimulu cendi nakumutwala ku mema a Litangwa Lyakuhwima ndi?

Luka 22:32

Oloni yange njinakulombelela Simoni, ngeci kukulaela kwove kesi kuhwe. Co omo ukatenguluka nakwiluka kuli yange, unapande kukatakamesa vakweni.”

Luka 6:41

“Omwo vikajo umona kacishoni kali a lisho lya mukweni, oloni kuuyongola mukambo uli mu lisho lyove?

Luka 6:43

“Muti wauvwa kuwasa kwima vushuka vwavuvi, nambe muti wauvi kuwasa kwima vushuka vwavuvwa.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 8:21

Yove kuwesi na mutambela nambe mwela mu vipangi vyetu, omwo mbunge yove kuyesi mwamuvwa ku mesho a Njambi.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

2 Kolinte 5:18

Vyoshe evi vyatunda kuli Njambi, uje natwimwisa ali Kilistu kutunda ku vutozi nakutupwisa vasamba vendi, co natwana vipangi vyakutengulwisa veka lalo ngeci valyambe nendi.

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

2 Petulu 1:9

Oloni nga kumwesi navyo, munapu tupuputwa, kumwasa kumona, co munevala ngeci vanamijelesa ku vuvi vweni vwalaja.