Luka 6:30 - Livulu lya Shukulu Kalunga

³⁰ Munu uje amilomba mwaneni cuma canamilombo, omo munu ambata cuma cove, co kesi akwilwisileco lalo.

Luka 6:30 Iomraidhean Croise

Myaso 112:9

Munu ou muka-vushunga aana vyuma vyendi kuli vaje vanajeneka na mbunge yendi yoshe, co ngozi yendi kuyesi kwonwa, oloni akapwa muka-nzili na kasingimiko.

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 21:26

vaka-vuvi valiveya litangwa lyoshe lyamutunu, oloni vaka-vushunga vakana vyuma vyavo kuvesi kulikela.

Visimo 22:9

Munu muka-mema ku mbunge akavezika, omwo alinakwana vyakulya vyendi ku tuutu.

Muka-kwambulula 11:2

Aka vyove vije ulinavyo mu mitambela yakuliseza-seza, omwo kuuzivuka litangwa lije tuyando tukwizila.

Muka-kwambulula 8:16

Omo njesekele kupwa muka-mana na kulilongesa vije vilinakulingiwa ano asi, co njamwene ngeci njakele nakutona vutsiki na mutanya,

Mateo 18:35

Co Yesu wamanesele kwendeka ngwendi, “Mukemwo mwakalinga Tate wa mwilu ku munu woshe, nga kuusambesa mukweni na mbunge yove yoshe.”

Mateo 5:39

Oloni yange njimileka ngwange, kesi ulinge shambandinga kuli munu uje akulinga mwamuvi. Oloni nga munu akupupa ku nana yove ya ku cilyo, mutengulwile lalo ku nana ya ku cimoshwe.

Mateo 6:12

tusambese ku milonga yetu, ngwe yetu lalo mutukasambesa vaka-kutuvulumwina.

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 6:29

Nga munu akupupa ku nana imo, co mutengulwile akupupe ku nana ikwavo lalo, nga munu akunyeka kazaku kove, mwane lalo na cikoveyo cove.

Luka 6:31

Ngecivene, vyuma vyoshe vimushaka ngeci vakweni vamilingilevyo, mukemwo vene, neni lalo valingilenivyo.

Luka 6:38

Aneni vakweni, co Njambu akamyana. Mwa vushunga vene, mukatambula vyavingi, vukwasi vwakushemutukwa, vakavwaka mu mavoko eni, vukwasi vuje vwoshe mwasa kukwata. Seteko ije musetaka nayo vakweni, ikeyo lalo yakamiseteka nayo Njambi.”

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.