Luka 6:28 - Livulu lya Shukulu Kalunga

²⁸ vezikiseni vaje vamisinga, co lombeleleni vaje valinakumiyandesa.

Luka 6:28 Iomraidhean Croise

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

Ezekiyele 25:15

Shukulu Kalunga wa Akamwa ya Vyoshe wendekele ngwendi, “VaFilisitiya vali na muuka wa shambandinga a vitozi vavo valaja, nakuvanyongesa mu cizindo cavo.

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Mateo 5:44

Oloni yange njimileka ngwange, zemeni vitozi veni, co lombeleleni vaje valinakumiyandesa,

Luka 23:34

Yesu wendekele ngwendi, “Tate vasambese! Omwo kuvazivuka vika valinakulinga.” Co valipangelele vuzalo vwendi akati kavo akuta n̄ela.

Luka 6:27

“Oloni njimileka yeni vaka-kunjitolilila ngwange, zemeni vitozi veni, lingeni mwamuvwa kuli vaje vamizinda,

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Vilinga vya Miluwa 14:5

Asinoni vaje kesi vaYunda na vaYunda vamo amo na vantwama vavo, vayongwele kuyandesa miluwa nakuvasha mamanya.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

Loma 12:14

Vezikiseni vaje valinakumiyandesa, eyo, vavezikiseni, co kesi muvasinge embwe.

1 Kolinte 4:12

co tunajuka na vipangi vya vikalu. Omo vatusinga, co yetu tuvezikisa, omo vatuyandesa, co tukakateya,

Yakomba 3:10

Majwi akukandelela nawa a cisingo oshe akatuuka mu kanwa kamolika. Vasamba vange, vyuma evi kuvyapandele kulingiwa!

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.