Luka 6:23 - Livulu lya Shukulu Kalunga

²³ Joleleni omo eci cilingiwa, co kineni nakujolela, omwo vanamitulikila cikandelela ceni cakama mwilu. Omwo vakukulwila vavo valingile ngacije kuli vaka-kwimanena.

Luka 6:23 Iomraidhean Croise

2 Samwele 6:16

Omo Cikasa cakovelele mu nganda, Mikale, muna Saulu, wemanene mu njanena, co wamwene Mwene Ndaviti alinakukina nakujombozoka na kusingimika Shukulu Kalunga mukukina cakujela, co wamushendumwine mu mbunge yendi.

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

1 Vimyene 19:14

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njinasalao, co lalo vashakezeka kunjitsiya.”

1 Vimyene 19:2

Co Njezevele watumine lijwi kuli Elinja ngwendi, “Mwa vushunga vinjambi vanjitsiye nga imene a simbu ino vene kunjalingile cuma cimo kuli yove cije walingile kuli vaka-kwimanena.”

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

1 Vimyene 22:27

Valekeni vamwake mu kamenga, co vamwane lika likende na mema noo njiiluka mwamuvwa.”

1 Vimyene 22:8

Ahave wamukumbulwile ngwendi, “Kwali, Mikaya muna Imela. Oloni yange njamuzinda omwo ikeye simbu yoshe kesi kwambulwila vuka-kwimanena vwavuvwa ali yange, oloni vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

2 Vimyene 6:31

Co wendekele ngwendi, “Njambi anjitsiye nga lelo Elisha kuvamutapa mutwe omo kanda litangwa litoke!”

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Myaso 58:11

Co vanu vakendeka ngwavo, “Vaka-vushunga vanatambula cikandelela cavo, mwa vushunga kwali Njambi muka-kusompa vaka-kaye!”

Isaya 35:6

Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Luka 1:41

Omo Elizaveta wazivile kwindwisa kwa Maliya, co mbututu wanyangumukile mwimo lyendi. Co Elizaveta washulile na Munzinzime Wakujela,

Luka 1:44

Omo vwasi-vwasi njazivile lijwi lyakwindwisa kwove, vwasi-vwasi mbututu mwimo lyange wanyangumukile nakujolela.

Luka 6:35

Embwe! Zemeni vitozi veni, co lingeni mwamuvwa kuli vakevo, vakumwiseni oloni kesi mukulaele ngweni mukavitambula lalo. Co cikandelela ceni cikapwa cakama, mukapwa vana va Njambi wa Akamwa ya Akamwa. Omwo ikeye akatetela vaje kuvesi kumukandelela na vaje vaka-vuvi.

Vilinga vya Miluwa 14:10

co wendekele kuli ikeye na lijwi lyakama ngwendi, “Katuka wimane lwii na mendi ove!” Co uje munalume wajombokele, co washangumukile kwenda.

Vilinga vya Miluwa 3:8

co watumbukile, wemanene, co washangumukile kwenda. Asinoni wakovelele amo navo mu Njuvo ya Shukulu Kalunga, wendele nakutumbozoka nakushangala Njambi.

Vilinga vya Miluwa 5:41

Asinoni omo miluwa vasezele ije Munga, vavwaelelele manene omwo Njambi wavayongwelele kuyanda nakushauka omwo lizina lya Yesu.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

2 Timateo 2:12

Nga tutwalao na lukakateya, co tukashwana lalo amo nendi. Nga tumuvyana, co na ikeye lalo akatuvyana.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

Yakomba 1:2

Vasamba vange, liyongoleni yeni vavenya ngweni mwavezika omo vyeseko vyavingi vilinakwija kuli yeni,

1 Petulu 4:13

Oloni joleleni omwo mulinakulipangela tuyando twa Kilistu, ngeci mushule nakujolela omo vumpau vwendi vukasholoka.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 2:26

Kuli vaje vahyana, vaje valinga vije vinjishaka noo akukotoka, njikavana moko a miyati,

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.