Luka 6:21 - Livulu lya Shukulu Kalunga

²¹ “Mwavezika yeni muli na njala ololo, omwo mukakuta! “Mwavezika yeni mulinakulila ololo, omwo mukajolela!

Luka 6:21 Iomraidhean Croise

Kushangumuka 17:17

Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?”

Kushangumuka 21:6

Sala wendekele ngwendi, “Njambi nanjinenela mbwase nakujolela. Vanu voshe vakaziva a cuma eci vakajolela amo nange.”

Myaso 107:9

Ikeye anwisa vaje vali na lihwila, co vaje vali na njala avakutisa na vyuma vyavivwa.

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 143:6

Njolwela mavoko ange kuli yove mukulombela, omwo mwonyo wange ukuzivila lihwila, ngwe lifuti lyakuminina livandamena nyonzi.

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 28:7

Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 65:4

Navezika munu uje iwunaangula, nakumushwenyesa kuli yove, ngeci akale mu lipela lyove. Tunakuta na vyuma vyavivwa vya ku Njuvo yove, vivezikiso vya mu Njuvo yove yakujela!

Isaya 25:6

Aa vene a Munkinda wa Siyone, Shukulu Kalunga Muka-nzili yoshe akavwaeselao miyati yoshe ya mu kaye ciwano ca vyakulya vyavivwa na vinyu vyavivwa.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 66:10

Yeni voshe mwazema nganda eyi, joleleni na Yelusalema, nakuvwaelela nayo! Yeni voshe mwakele nakuyililila, ololo joleleni amo nayo!

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Mateo 5:4

“Vanavezika vaje valinakulila, omwo Njambi akavazembeleka!

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Luka 1:53

Nakutisa vaje vali na njala na vyuma vyavivwa, co vaka-kufuka navasheke mavoko-voko.

Luka 6:20

Yesu wakengele vandongesi vendi, co wendekele ngwendi, “Mwavezika yeni vaka-kuutwa, omwo Vumwene vwa Njambi vunapu vweni!

Luka 6:22

“Mwavezika omwo vanu vamizinda nakumivyana nakumishaula nakumitumbula ngwavo muvavavi, omwo lizina lya Muna Munu!

Luka 6:25

“Tuyando tweni yeni munakuta ololo, omwo mukaziva njala! “Tuyando tweni yeni mulinakujolela ololo, omwo mukalinyenga nakulila!

Yowano 11:35

Yesu walilile.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.

1 Kolinte 4:11

A simbu ino vene, tuli na njala na lihwila, tunazala vyakutavozoka, valinakutupupa, twendangana kutunda ku mutambela umo nakuya ku mutambela ukwavo,

2 Kolinte 11:27

Kwakele vipangi na tuyando, visimbu vyavingi njalalele cilavu-lavu, co njakele na njala na lihwila, co lalo visimbu vimo njajenekele vyakulya vyakupwisamo, nambe vyakunjivingilikiya ku lisika, nambe vuzalo.

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

2 Kolinte 6:10

nambe tulinakuviilila, oloni simbu yoshe tulinakujolela, tulinakusholoka ngwe tu tuutu, oloni tunapwisa vanu vavangi vaka-kufuka, tulinakusholoka ngwe kutwesi nacimo cai, kuma tunafuku vyuma vyoshe.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.

Kujombolola 7:16

Vakevo kuvakazivi lalo njala nambe lihwila, co lalo litangwa nambe lihunzi lya ntwima kulikavenyeka embwe,