Luka 6:19 - Livulu lya Shukulu Kalunga

¹⁹ Co mbunga yoshe vesekele kumukambeka mavoko, omwo nzili yafumine kuli ikeye nakuvakangwisa voshe.

Luka 6:19 Iomraidhean Croise

2 Vimyene 13:21

A simbu imo omo vanu vaile nakutsinda mutsi, co vamwene mbunga imo ya vaMowavi, co vaje vanu vombilile cije mu mbumbo ya Elisha, co vatewele. Vwasi-vwasi cije civimbi omo cakambolele ku vitsiya vya Elisha, co uje munalume wendukile nakwimana.

Mateo 14:36

Co vamulambelelele ngeci atave vaje vakele nakuvinja vakwate nameme ku mukundwilo wa cikoveyo cendi, co vaje voshe vakwateleko vakangukile.

Mako 3:10

Ikeye wakangwisile vanu vavangi, co voshe vaka-kuvinja vakele nakulinakozola mukushwenya kuli ikeye ngeci vamukwate.

Mako 5:30

Co Yesu wazivukile ngeci nzili inamutundu mu muvila wendi, watengulukilile ku mbunga, co wehwile ngwendi, “Iya nakwata ku cikoveyo cange?”

Mako 6:56

Co kwoshe kuje kwaile Yesu, mu membo, na mu vinganda, na mu mahya, vanu vamutwalelele vaka-kuvinja kuje ku mitambela yakulandesela nakumulambelelela ngeci atave vaje vakele nakuvinja vakwate nameme ku mukundwilo wa cikoveyo cendi. Co vaje voshe vakwateleko vakangukile.

Mako 8:22

Co vezile ku Mbetesainda, co vanu vamo vamunenelele umo kapuputwa wa munalume valambelelele Yesu ngeci amukambeke mavoko.

Luka 5:17

Litangwa limo omo Yesu wakele nakulongesa, vaFaliseo vamo na valongisi va majwi a Lishiko vatumbamene kuje vatundile mu vinganda vya ku Ngalileya na ku Yundeya na ku Yelusalema. Co nzili ya Shukulu Kalunga yakele ali Yesu mukuvakangwisa.

Luka 6:18

vezile nakumutolilila nakuvakangwisa ku mishongo yavo. Voshe vaje vakele nakuyanda na minzinzime yakujwala vezile, co wavakangwisile.

Vilinga vya Miluwa 19:12

Ngecivene, nameme tuvinanga twatundondo twa ku livoko lyendi na tuvuzalo tuje twapangesele Paulu vavyakele ali vaka-kuvinja, co vakangukile ku mishongo yavo, na minzinzime yakujwala yakele muli vakevo yavatundile.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.