Luka 5:34 - Livulu lya Shukulu Kalunga

³⁴ Co Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije.

Luka 5:34 Iomraidhean Croise

Myaso ya Solomoni 5:8

Yeni vanakazi va mu Yelusalema, njikulaeseni ngeci nga muwana muka-cizemo cange, mulekeni ngweni njinazeye na lishungu.

Myaso ya Solomoni 6:1

Yove uwamuvwa akati ka vanakazi voshe, kulijo nai muka-cizemo cove? Kulijo kwanakengesela muka-cizemo cove, ngeci tukukwase kumukengezeka?

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Mateo 22:2

“Vumwene vwa mwilu vunalifu ngwe mwene walingile ciwano ca vulo vwa munendi wa munalume.

Mateo 9:15

Yesu wavakumbulwile ngwendi, “Kuma yeni mukengelela vangenzi ku ciwano ca vulo ngeci vaye na njala ndi? Mwa vushunga vene embwe! Omo vavenya vulo acili navo kuvapandele kulinga ngacije. Oloni litangwa likaija omo vakatundisa vavenya vulo akati kavo, asinoni vakalikela kulya.

Luka 5:33

Vanu vamo vendekele kuli Yesu ngwavo, “Vandongisi va Yowano vakalikela kulya visimbu vyavingi nakulombela, na vandongisi va vaFaliseo lalo vakalingi cuma cimo, oloni vandongisi vove vakali nakunwa.”

Luka 5:35

Oloni litangwa likaija omo vakatundisa vavenya vulo akati kavo, asinoni vakalikela kulya.”

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.