Luka 5:32 - Livulu lya Shukulu Kalunga

³² Omwo yange kunjezile mukusana vanu vaje vanalimono vakevo vavenya ngwavo vaka-vushunga ngeci vatenguluke, oloni vanu vaje vaka-vuvi.”

Luka 5:32 Iomraidhean Croise

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Mako 15:10

Omwo wazivukile mwamuvwa ngwendi vakulunu va vaka-kukombelela vakundikile Yesu ku mavoko endi omwo vakele na lifuwa.

Mako 15:7

Co a simbu ije munalume umo lizina lyendi Mbalambasa wakele mu kamenga amo na vakwavo vaje vatsiile vanu na mpindangano.

Mako 2:17

Co omo Yesu wazivileko, wendekele navo ngwendi, “Vakangule kuvesi kusetela cimbanda embwe, kuvanga vaka-kuvinja lika. Yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 15:7

Njimileka ngwange, mu ngila eyi vene kukakala kujolela mwilu omo muka-vuvi umo atenguluka kutuvakana vaka-vushunga makumi atanu na awana na vatanu na vawana vaje kuvashaka kutenguluka.

Luka 19:10

Muna Munu wezile nakushakezeka nakwovola vaka-kuzimbala.”

Luka 24:47

ngeci kutenguluka nakusambesa kwa vivi vakavyambulule mu lizina lyendi ku mafuti oshe, kushangumukila mu Yelusalema.

Luka 5:31

Yesu wavakumbulwile ngwendi, “Vakangule kuvesi kusetela cimbanda embwe, kuvanga vaka-kuvinja lika.

Luka 5:33

Vanu vamo vendekele kuli Yesu ngwavo, “Vandongisi va Yowano vakalikela kulya visimbu vyavingi nakulombela, na vandongisi va vaFaliseo lalo vakalingi cuma cimo, oloni vandongisi vove vakali nakunwa.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Vilinga vya Miluwa 20:21

Kuli vaYunda na kuli vaje kesi vaYunda voshe njavanangwile ngeci vatenguluke ku vivi vyavo nakwija kuli Njambi nakukulaela kuli Mwene yetu Yesu.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Vilinga vya Miluwa 3:26

Co Njambi waangwile Ngamba yendi, co wamutumine kuli yeni akulivanga, mukumivezikisa ngeci munu woshe atunde ku vingila vyendi vya kupenga-penga.”

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.