Luka 5:30 - Livulu lya Shukulu Kalunga

³⁰ VaFaliseo vamo na valongisi va majwi a Lishiko vaje vakundamene ku munga yavo valinyengelele kuli vandongisi va Yesu. Vehwile ngwavo, “Omwo vikajo mulya nakunwa amo na vaka-kutambula lisimu na vaka-vuvi?”

Luka 5:30 Iomraidhean Croise

Isaya 65:5

Co vendeka kuli vakwavo ngwavo, ‘Tushondolokeni, kesi mutushwenye, yetu twalikundika kuli Njambi!’ Kunjasa kumbako mbunge ku vanu va cifwa cangacije, vukalu vwange ali vakevo vunapu ngwe tuhya twa kuzima.

Mateo 5:46

Omwo nga muzema vaje vamizema, cikandelela mukajo mukatambula kuli Njambi? Kuma nameme vaka-kutambula lisimu kesi mukemwo muvakalingi ndi?

Mateo 9:11

Co omo vaFaliseo vacimwene, vehwile vandongisi vendi ngwavo, “Omwo vikajo mulongisi weni alinakulya na vaka-kutambula lisimu na vaje vaka-vuvi?”

Mako 2:16

Co vamo valongisi va majwi a Lishiko, vaje vapwile va Faliseo, omo vamwene Yesu alinakulya na vaka-vuvi na vaka-kutambula lisimu, ngecivene, vehwile vandongisi vendi ngwavo, “Omwo vikajo alinakulya amo na vaka-kutambula lisimu na vaka-vuvi?”

Mako 7:3

Omwo vaFaliseo, na vaYunda, vakavele vilongesa vije vatambwile kuli vakukulwila vavo, kuvasele kulya ngoco kuvanga kujwela mwamuvwa ku mavoko avo,

Mako 9:16

Co Yesu wehwile vandongisi vendi ngwendi, “Vimata vya vika mulinakulinga navo?”

Luka 18:11

KaFaliseo wemanene kwendi lika nakulombela ngwendi, ‘Njikukandelela Njambi, yange kunjafwile ngwe vakwetu voshe valukolotelo, vaka-kujeneka vushunga, vaka-vupangala. Njikukandelela ngeci yange kunjafwile ngwe uje muka-kutambula lisimu nemana kuje.

Luka 19:7

Vanu voshe vaje vacimwene vangungutile ngwavo, “Munalume ou nai ngwe mungenzi ku njuvo ya muka-vuvi!”

Luka 5:17

Litangwa limo omo Yesu wakele nakulongesa, vaFaliseo vamo na valongisi va majwi a Lishiko vatumbamene kuje vatundile mu vinganda vya ku Ngalileya na ku Yundeya na ku Yelusalema. Co nzili ya Shukulu Kalunga yakele ali Yesu mukuvakangwisa.

Luka 5:21

Valongisi va majwi a Lishiko na vaFaliseo vashangumukile kwendeka akati kavo ngwavo, “Iya ou munalume alinakushaula Njambi? Njambi lika ikeye muka-kusambesa vuvi!”

Luka 7:34

Omo Muna Munu wezile, ikeye walile nakunwa, co mwendekele ngweni, ‘Kengeni ou munalume! Watsa akulya na akunwa vinyu, co musamba wa vaka-kutambula lisimu na vaka-vuvi!’

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Vilinga vya Miluwa 23:9

Asinoni vanu vendekele manene, co vamo valongisi va majwi a Lishiko vaje vakele ku munga ya vaFaliseo vemanene nakwendeka na nzili ngwavo, “Kutwawanene cuma cimo cacivi canalingi ou munalume! Amo mwavushunga munzinzime nambe kangelo nendeka kuli ikeye!”