Luka 5:26 - Livulu lya Shukulu Kalunga

²⁶ Co voshe valikomokelele manene! Vazivile lyova, vashangazalele Njambi vendekele ngwavo, “Lelo tunamono vyuma vyakukomokesa!”

Luka 5:26 Iomraidhean Croise

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Mateo 12:23

Co vimbunga vya vanu voshe valikomokelele a vije vyalingile Yesu, co vendekele ngwavo, “Kuma ou ikeye Muna Ndaviti ndi?”

Mateo 28:8

Ngecivene, vwasi-vwasi vatundile ku mbumbo na lyova nakuvwaelela kwakama, co vashatukile nakukaleka vandongisi vendi.

Mateo 9:8

Omo vanu vacimwene, vakele na lyova, co vashangazalele Njambi uje waanene vanu moko yakufwa ngacije.

Mako 2:12

Omo voshe vakele nakukengelela, uje munalume wakatukile, wambatele linala lyendi, co watuukile vwasi. Co voshe valikomokelele, co vashangazalele Njambi, vendekele ngwavo, “Kanda tumone vyuma vyakufwa ngacije!”

Luka 1:65

Vandambo voshe vakele na lyova, co muzimbu wa vyuma evi washandokelele mu lifuti lyoshe lya minkinda mu Yundeya.

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Luka 7:16

Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Luka 8:37

Asinoni vanu voshe va ku mutambela uje valombele Yesu atunde mu lifuti lyavo, omwo vazivile lyova lyakama. Co Yesu wakovelele mu vwato wavasezele.

Vilinga vya Miluwa 4:21

Ngecivene, Munga ije vavanangwile manene, co vavecelele. Vamwene ngeci capwile cacikalu kuvanyanyamesa, omwo vanu voshe vashangazalele Njambi a vije vyalingiwile.

Ngalatiya 1:24

Co vashangazalele Njambi omwo yange.