Luka 5:21 - Livulu lya Shukulu Kalunga

²¹ Valongisi va majwi a Lishiko na vaFaliseo vashangumukile kwendeka akati kavo ngwavo, “Iya ou munalume alinakushaula Njambi? Njambi lika ikeye muka-kusambesa vuvi!”

Luka 5:21 Iomraidhean Croise

Myaso 103:3

Ikeye muka-kunjisambesa ku vivi vyange vyoshe, nakukangwisa mishongo yange yoshe.

Myaso 130:4

Oloni yove ukatusambesa ngeci tukukomoke.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 35:5

Vapwe ngwe lijungu lyakupekumuka na lihunzi, omo kangelo ka Shukulu Kalunga avasheka!

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Ndanyele 9:19

Shukulu Kalunga, tuzive. Shukulu Kalunga, tusambese. Shukulu Kalunga, tutolilile, co panga vipangi vyove! Ngeci munu woshe akazivuke ngwendi yove wapwa Njambi, kesi wishwale embwe! Nganda eyi yapwa yove na vanu ava vapwa vove.”

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

VaLevi 24:16

KaIsalele woshe, nambe muka-kwija woshe uje ali mu Isalele, nga ashaula lizina lya Shukulu Kalunga, co mbunga yoshe vakamwashe mamanya.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Mateo 26:65

A majwi awa, Muka-kukombelela Wakama watavwile vuzalo vwendi nakwendeka ngwendi, “Nashaula Njambi! Vikajo lalo tucishakezekela vukaleo vweka? Ololo vene mwalizivila kushaula kwendi a majwi endi!

Mateo 9:3

Co vamo valongisi va majwi a Lishiko vendekele akati kavo ngwavo, “Munalume ou alinakushaula Njambi!”

Luka 3:8

Lingeni vyuma vije vimwesa ngeci munatenguluka ku vivi vyeni. Kesi mulyendekese mu vimbunge vyeni ngweni ‘Tuli na kukulwila yetu Avilahama’. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 5:17

Litangwa limo omo Yesu wakele nakulongesa, vaFaliseo vamo na valongisi va majwi a Lishiko vatumbamene kuje vatundile mu vinganda vya ku Ngalileya na ku Yundeya na ku Yelusalema. Co nzili ya Shukulu Kalunga yakele ali Yesu mukuvakangwisa.

Luka 5:22

Yesu wazivukile viyongola vyavo, co wendekele kuli vakevo ngwendi, “Vikajo mulinakuyongwela vyuma vyangacije?

Luka 7:49

Co vaje vatumbamene ku mesa nendi vashangumukile kwendeka akati kavo ngwavo, “Iyajo ou asa kusambesa vivi?”

Yowano 10:33

VaYunda vamukumbulwile ngwavo, “Kutukwashela mamanya a vipangi vyavivwa, oloni omo unashaula Njambi! Yove u munu, oloni ulinakulipwisa u Njambi!”

Loma 8:33

Iyajo asa kuvangela vaje vanaangula Njambi? Njambi ikeye muka-kuvasambesa.