Luka 5:14 - Livulu lya Shukulu Kalunga

¹⁴ Yesu wamusin̄ikile ngwendi, “Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Luka 5:14 Iomraidhean Croise

VaLevi 13:2

“Nga munu woshe-iwoshe ali na mbandu a cikonde cendi, nambe lizimbo, nambe vimbulu, evi vyasa kwimuka mushongo wa cikonde wakulitambwisa, co ikeye vakamunene kuli muka-kukombelela wa ku naanga ya Alone, nambe kuli munendi umo wa munalume.

VaLevi 13:49

nga ikeyo yavushompo, nambe yakuvenguluka, inapu mbundu-mbundu vene. Co vanapande kusholola vuje vuzalo kuli muka-kukombelela.

Mateo 10:18

Co vakamitwala ku mesho a vaka-kushwana, na ku mesho a vimyene, omwo lizina lyange, ngeci mukambulule Vin̄anda Vyavivwa kuli vakevo na kuli vanu vaje kesi vaYunda.

Mateo 12:16

co wavashikile ngwendi kesi vamutsimanese.

Mateo 8:4

Co Yesu wamulekele ngwendi, “Tolilila! Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Mateo 9:30

Co mesho avo atonene. Co Yesu wavasin̄ikile ngwendi, “Kesi mulekeko munu umo embwe.”

Mako 1:44

wendekele kuli ikeye ngwendi, “Kesi ulekeko munu umo a cuma eci embwe. Oloni ya ukalisholole kuli muka-kukombelela akakwilule, asinoni ukakombelele n̄ombelo ije yashikile Mosesa, ngweci voshe vakazivuke ngwavo vanakukangwisa.”

Mako 6:11

Co nga muketa ku nganda imo kuje vanu kuvakamitambula mwamuvwa nambe kumitolilila, tundeniko, co totomoneni likungu ku myanja yeni. Eci cikapwa vukaleo kuli vakevo.”

Luka 17:14

Yesu wavamwene wendekele kuli vakevo ngwendi, “Yeni kuli vaka-kukombelela ngeci vakamiilule.” Omo vakele nakuya, co vajelele.

Luka 5:13

Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Luka 9:5

kwoshe kuje vakavyana kumitambula, co tundeni mu nganda ije, co totomoneni likungu ku myanja yeni ngeci cipwe cuma cakuvanangula.”