Luka 5:13 - Livulu lya Shukulu Kalunga

¹³ Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Luka 5:13 Iomraidhean Croise

Kushangumuka 1:3

Asinoni Njambi wendekele ngwendi, “Kukale ceke.” Co ceke casholokele.

Kushangumuka 1:9

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile.

2 Vimyene 5:10

Co Elisha watumine ngamba yendi nakuleka Namane ngeci aye ku Ndonga ya Yondau mukujwela visimbu vitanu na vivali, co mwa vushunga vene akakanguka ku mushongo wendi wa mbumba.

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

Myaso 33:9

Omwo ikeye wendekele lika na lijwi. Co vyuma vyoshe vyalingiwile, ikeye washikile, co vyuma vyoshe vavitangele.

Ezekiyele 36:29

Njikamyamena ku vyuma vyoshe vije vikamijwalesa. Njikamenesa vimbuto ngeci vikapwe vyavingi, ngeci kesi mukakale lalo na njala ya lyangengela.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Mateo 8:3

Co Yesu wolwele livoko lyendi wamukwatele, wendekele ngwendi, “Njishaka, jela.” Co aje vene wajelele ku mushongo wendi wa mbumba.

Luka 4:39

Yesu waile wemanene kuyehi na vulili vwendi washikile lije lisika-sika ngeci limutunde. Co lisika-sika lyamutundile, washangumukile kuvapangela.

Luka 5:12

Yesu wakele mu nganda muje mwakele munalume umo wakele nakuyanda na mushongo wa mbumba. Omo wamwene Yesu, watsikamene ku mesho endi wamulambelelele ngwendi, “Shukulu, nga mushaka, mwasa kunjijelesa!”

Luka 5:14

Yesu wamusin̄ikile ngwendi, “Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”