Luka 5:12 - Livulu lya Shukulu Kalunga

¹² Yesu wakele mu nganda muje mwakele munalume umo wakele nakuyanda na mushongo wa mbumba. Omo wamwene Yesu, watsikamene ku mesho endi wamulambelelele ngwendi, “Shukulu, nga mushaka, mwasa kunjijelesa!”

Luka 5:12 Iomraidhean Croise

Kushangumuka 18:14

Kuma kuli cuma cimo cacikalu kuli Shukulu Kalunga ndi? Ngwe vene munjinendeka, a simbu ino vene mungolosika njikeluka kuli yove, co Sala akakita mwana wa munalume.”

1 Vimyene 18:39

Omo vanu vamwene vije vyalingiwile, co voshe vatsikamene asi vatambekele ngwavo, “Shukulu Kalunga ikeye Njambi, Shukulu Kalunga lika ikeye Njambi!”

2 Vimyene 5:1

Namane wapwile muka-kushika mashwalale va Silya, mwene wa Silya wamusingimikile nakumuzema manene, omwo ali Namane Shukulu Kalunga waanene mashwalale va Silya nzili yakuhyana. Namane wapwile lishwalale wa nzili, oloni wakele na mushongo wa mbumba.

2 Vimyene 5:27

Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

2 Vimyene 7:3

Vanalume vawana vakele nakuvinja mushongo wa mbumba vakele anja ku vikolo vya nganda ya Samaliya, co valyendekesele umo na mukwavo ngwavo, “Omwo vikajo tulinakuvandamena kuno noo tutsa?

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Kutuuka 4:6

Shukulu Kalunga wendekele kuli Mosesa lalo ngwendi, “Aka livoko lyove mukati ka cikoveyo a nulo yove.” Co Mosesa waakele livoko mukati ka cikoveyo a nulo yendi, co omo walitundisilemo, kengeni lyavengele na mushongo wa mbumba.

VaLevi 13:16

Oloni omo mbandu inolo, co cikonde cipwa lalo cakutoka, co uje munu akaye kuli muka-kukombelela,

VaLevi 9:24

Co vwasi-vwasi Shukulu Kalunga watumine tuhya, twenyekele uje mulambu wa kwenyeka, na vilyo, na mazi a mutula. Omo vanu vamwene vije vyalingiwile, co voshe vatambekele nakutsikama a mavuli, nakukulamesa vihanga vyavo asi.

Mateo 26:6

Omo Yesu wakele mu Mbeteniya ku njuvo ya Simoni, munalume umo uje wayandele manene ku mushongo wa mbumba.

Mateo 9:28

Omo Yesu wakovelele mu njuvo, vaje tupuputwa vavali vezile kuli Yesu, co Yesu wavehwile ngwendi, “Kuma yeni mwakulaela ngweni yange njasa kumikangwisa ndi?” Vakevo vamukumbulwile ngwavo, “Eyo shukulu.”

Mako 5:23

co wamulambelelele manene na kasingimiko ngwendi, “Munange wamundondo wa munakazi alinakuvinja manene. Tuye ukamukambeke mavoko, ngecivene, akakanguke!”

Luka 17:16

Co wavulumanene ku myanja ya Yesu nakumukandelela. Ikeye wapwile kaSamaliya.

Luka 5:13

Yesu wolwele livoko lyendi wamukwatele wendekele ngwendi, “Njishaka, jela!” Aje vene mbumba yamutundile.

Kwituluka mu Mashiko 24:8

“Linyungeni ku mushongo wa a cikonde wakulitambwisa. Nyungeni vyoshe vije vivamileka vaka-kukombelela vaLevi ngwe munjavashikile.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

Yoshwa 5:14

Co uje munalume wamukumbulwile ngwendi, “Embwe, noku kunjawila kwai. Yange njinapu umo muka-kushika nzita ya Shukulu Kalunga.” Yoshwa wakulamene asi nakulemesa, co wendekele ngwendi, “Shukulu, yange ngamba yove. Vika ushaka ngeci njivilinge?”